ek KHauf

jis din maiñ marūñgā

apnī tamām pasandīda kitāboñ ko apne saath le jā.uñgā

apnī qabr ko un tamām dostoñ kī tasvīroñ se pur kar dūñgā jinheñ maiñ pasand kartā huuñ

aur is baat se ḳhush rahūñgā ki mere paas ek chhoTā sā kamra hai

mustaqbil ke ḳhauf ke baġhair

maiñ laTe jā.uñgā aur cigarette sulgā.ūñgā

aur ro.ūñgā un tamām laḌkiyoñ ke liye

jinheñ maiñ pasand kartā thā aur bāñhoñ meñ bhar lenā chāhtā thā

lekin har ḳhushī ke andar

ek baḌā ḳhauf chhupā huā hai

ḳhauf is baat kā

ki sub.h-savere

koī mere shāne ko jhiñjhoḌe

aur kahe

sābīr، uTho

kaam par chalte haiñ

jis din main marunga

apni tamam pasandida kitabon ko apne sath le jaunga

apni qabr ko un tamam doston ki taswiron se pur kar dunga jinhen main pasand karta hun

aur is baat se KHush rahunga ki mere pas ek chhoTa sa kamra hai

mustaqbil ke KHauf ke baghair

main laTe jaunga aur cigarette sulgaunga

aur rounga un tamam laDkiyon ke liye

jinhen main pasand karta tha aur banhon mein bhar lena chahta tha

lekin har KHushi ke andar

ek baDa KHauf chhupa hua hai

KHauf is baat ka

ki subh-sawere

koi mere shane ko jhinjhoDe

aur kahe

sabir، uTho

kaam par chalte hain