gunah kiyaa mai.n ne

gunah kiyā maiñ ne

gunāh-e-pur-lazzat

ik us kanār meñ jo garm-o-ātishīñ thī bahut

aur aise bāzuoñ meñ

sulag rahe the jo zālim the āhanīñ the bahut

añdherī ḳhalvat meñ

añdherī aur ḳhamosh

nazar milī us se

nigāh raaz se pur

'ajab niyāz se pur

aur aisī ḳhvāhish se

ki be-qarārī se siine meñ dil mirā larzā

maiñ us ke pahlū meñ baiThī rahī pareshāñ sī

laboñ ne us ke laboñ par mire

havas chhiḌkī

to kyā huā mujh ko

ki mere dil se pareshānī-e-zamāna ga.ī

nihāyat āhista

maiñ us ke kaan meñ kahne lagī fasāna-e-'ishq

tirī tamanna hai jānāñ tirī tamanna hai

tirī tamanna hai āġhosh-e-jāñ-fizā terī

tirī tamanna hai

ai mire divāna-e-'ishq

havas se us kī nazar meñ bhaḌak uThe sho'le

sharāb-e-surḳh piyāloñ meñ raqs karne lagī

thā narm ik bistar

aur us ke siine par

anokhī mastī se merā badan laraztā rahā

gunah kiyā maiñ ne

gunāh-e-pur-lazzat

kinār-e-paikar-e-larzāñ

paikar-e-mad.hosh

mire ḳhudā mujhe kyā 'ilm kyā kiyā maiñ ne

añdherī ḳhalvat meñ

añdherī aur ḳhamosh

gunah kiya main ne

gunah-e-pur-lazzat

ek us kanar mein jo garm-o-atishin thi bahut

aur aise bazuon mein

sulag rahe the jo zalim the aahanin the bahut

andheri KHalwat mein

andheri aur KHamosh

nazar mili us se

nigah raaz se pur

'ajab niyaz se pur

aur aisi KHwahish se

ki be-qarari se sine mein dil mera larza

main us ke pahlu mein baiThi rahi pareshan si

labon ne us ke labon par mere

hawas chhiDki

to kya hua mujh ko

ki mere dil se pareshani-e-zamana gai

nihayat aahista

main us ke kan mein kahne lagi fasana-e-'ishq

teri tamanna hai jaanan teri tamanna hai

teri tamanna hai aaghosh-e-jaan-fiza teri

teri tamanna hai

ai mere diwana-e-'ishq

hawas se us ki nazar mein bhaDak uThe sho'le

sharab-e-surKH piyalon mein raqs karne lagi

tha narm ek bistar

aur us ke sine par

anokhi masti se mera badan larazta raha

gunah kiya main ne

gunah-e-pur-lazzat

kinar-e-paikar-e-larzan

paikar-e-madhosh

mere KHuda mujhe kya 'ilm kya kiya main ne

andheri KHalwat mein

andheri aur KHamosh