hiraas

kitne armān taḌapte haiñ mere siine meñ

peshtar is ke ki tahrīr meñ ye aa jaa.eñ

mujh ko Dar hai ki maiñ duniyā se chalā jā.ūñgā

apne siine meñ in armānoñ ko dafnā.ūñgā

jhilmilāte hue tāroñ se murassa' ye raat

kitnā rūmān bharā hai mah-e-tābāñ haihāt

is se pahle ki khiche she'r meñ un kī tasvīr

mujh ko Dar hai ki mirī phuuT na jaa.e taqdīr

dā.imī diid tirī go mirī qismat meñ nahīñ

phir bhī paḌtī hai nazar tujh pe jab ai zohra-jabīñ

huuk sī uTh ke ye kahtī hai ki ai jān-e-bahār

tujh se jī bhar ke kabhī kar na sakūñgā ab pyaar

phir ḳhayāl aatā hai is dahr meñ tanhā huuñ maiñ

'ishq-o-shohrat ke ye jazbāt faqat dhokā haiñ

kitne arman taDapte hain mere sine mein

peshtar is ke ki tahrir mein ye aa jaen

mujh ko Dar hai ki main duniya se chala jaunga

apne sine mein in armanon ko dafnaunga

jhilmilate hue taron se murassa' ye raat

kitna ruman bhara hai mah-e-taban haihat

is se pahle ki khiche she'r mein un ki taswir

mujh ko Dar hai ki meri phuT na jae taqdir

daimi did teri go meri qismat mein nahin

phir bhi paDti hai nazar tujh pe jab ai zohra-jabin

huk si uTh ke ye kahti hai ki ai jaan-e-bahaar

tujh se ji bhar ke kabhi kar na sakunga ab pyar

phir KHayal aata hai is dahr mein tanha hun main

'ishq-o-shohrat ke ye jazbaat faqat dhoka hain