kahii.n ko.ii saada zindagii hai

ka.ī koī saada zindagī hai aur ek duniyā

shaffāf garm aur pur-masarrat

vahāñ shaam paḌe ek ham-sāya

baaḌ ke us paar ek laḌkī ko pukārtā hai

aur sirf shahd kī makkhiyāñ

ye maddham sargoshiyāñ sun saktī haiñ

magar ham zindagī guzārte haiñ zābtoñ aur mehnatoñ ke saath

aur ham malhūz rakhte haiñ apnī talḳh mulāqātoñ kī tamām rusūmāt

jab achānak ek be-niyāz jhoñkā

kaaT detā hai hamāre jumle ko shurū' hote hī

magar ham apnī duniyā kā koī mutabādil qubūl nahīñ kareñge

ye 'azīmushshān shahr hamāre alam aur hamārā in'ām

damaktī barf ke farāḳh dariyā

sūraj se mahrūm afsurda bāġhāt

aur taqrīban nā-qābil-e-samā'at shā'irī kī devī kī

āvāz kā iltibās

kai koi sada zindagi hai aur ek duniya

shaffaf garm aur pur-masarrat

wahan sham paDe ek ham-saya

baD ke us par ek laDki ko pukarta hai

aur sirf shahd ki makkhiyan

ye maddham sargoshiyan sun sakti hain

magar hum zindagi guzarte hain zabton aur mehnaton ke sath

aur hum malhuz rakhte hain apni talKH mulaqaton ki tamam rusumat

jab achanak ek be-niyaz jhonka

kaT deta hai hamare jumle ko shuru' hote hi

magar hum apni duniya ka koi mutabaadil qubul nahin karenge

ye 'azimushshan shahr hamare alam aur hamara in'am

damakti barf ke faraKH dariya

suraj se mahrum afsurda baghat

aur taqriban na-qabil-e-sama'at sha'iri ki dewi ki

aawaz ka iltibas