ka.ii savaalo.n ke javaab

kyā shai hai vo mard jis ke tālib haiñ

'auratoñ meñ

ḳhvāhish-e-āsūda ke ḳhāl-o-ḳhad

kyā shai hai vo aurteñ jis kā mutālba kartī haiñ

mardoñ se

ḳhvāhish-e-āsūda ke ḳhāl-o-ḳhad

nigāh-e-ulfat

mutavahhish kartī hai ki vo

ātish-e-āganda hai

lekin mulā.im fareb kī aañkh

chāhat ko ġhulām kar letī hai

mulā.im fareb aur sust buniyādī

'ishq ke sabse pyāre bhes sabse dilkash andāz

ko koī ḳhud ko

bas ek shādmānī kā pāband kar le

vo bāl-o-par-e-hayāt ko tārāj-e-talaf kartā hai

aur vo jo lazzat parrāñ ālam-e-bāl-afshānī meñ

chuum kar chhoḌ de us kā baserā

tulū'-e-āftāb-e-azal meñ hai

kya shai hai wo mard jis ke talib hain

'auraton mein

KHwahish-e-asuda ke KHal-o-KHad

kya shai hai wo aurten jis ka mutalba karti hain

mardon se

KHwahish-e-asuda ke KHal-o-KHad

nigah-e-ulfat

mutawahhish karti hai ki wo

aatish-e-aganda hai

lekin mulaim fareb ki aankh

chahat ko ghulam kar leti hai

mulaim fareb aur sust buniyaadi

'ishq ke sabse pyare bhes sabse dilkash andaz

ko koi KHud ko

bas ek shadmani ka paband kar le

wo baal-o-par-e-hayat ko taraj-e-talaf karta hai

aur wo jo lazzat parran aalam-e-baal-afshani mein

chum kar chhoD de us ka basera

tulu'-e-aftab-e-azal mein hai