کنارہ نہیں اس بیابان میں

کنارہ نہیں اس بیابان میں

نہیں ہے قرار اس دل و جان میں

جہاں در جہاں نقش تجسیم ہیں

ہمارے وجود ان میں ہیں کون سے

بریدہ جو سر آئے رہ میں نظر

لڑھکتا رواں ہو جو میدان میں

تو اسرار دل اس سے پوچھ اس سے پوچھ

سنا دے گا سر نہاں آن میں

کہوں کیا کروں کیا کہ یہ داستاں

نہیں ہے مرے حد و امکان میں

بہم اڑ رہے ہیں کبک اور باز

ہمارے انوکھے کہستان میں

پرے سات افلاک سے ہے جو عرش

ہم اس سمت اڑتے ہیں جولان میں

صلاح حق و دیں دکھا دے تجھے

کہ کیا حسن تھا میرے سلطان میں