mujhe hai bas intizaar is kaa

mujhe hai bas intizār is kā

ki maiñ mohabbat ko nazr kar duuñ

vujūd apnā

isī sabab se

bahut hī tāḳhīr ho ga.ī hai

ḳhatā hai merī hī

maiñ ye taslīm kar rahā huuñ

ye log duniyā ke zābtoñ meñ

mujhe jakaḌnā to chāhte haiñ

maiñ bhāgtā hī rahā huuñ in se

magar mujhe intizār ye hai

ki maiñ mohabbat ko nazr kar duuñ

vujūd apnā

haiñ log ilzām mujh ko dete

ki mujh ko parvā nahīñ zarā bhī

mujhe bhī is meñ nahīñ koī shak

ki log sach hī to kah rahe haiñ

hai vaqt bāzār kā nahīñ ab

jo bechte aur ḳharīdte the

gharoñ ko apne chale ga.e haiñ

mujhe bulāne jo aa.e the vo

ḳhafā ḳhafā se ga.e haiñ vāpas

mujhe hai bas intizār is kā

ki maiñ mohabbat ko nazr kar duuñ

mujhe hai bas intizar is ka

ki main mohabbat ko nazr kar dun

wujud apna

isi sabab se

bahut hi taKHir ho gai hai

KHata hai meri hi

main ye taslim kar raha hun

ye log duniya ke zabton mein

mujhe jakaDna to chahte hain

main bhagta hi raha hun in se

magar mujhe intizar ye hai

ki main mohabbat ko nazr kar dun

wujud apna

hain log ilzam mujh ko dete

ki mujh ko parwa nahin zara bhi

mujhe bhi is mein nahin koi shak

ki log sach hi to kah rahe hain

hai waqt bazar ka nahin ab

jo bechte aur KHaridte the

gharon ko apne chale gae hain

mujhe bulane jo aae the wo

KHafa KHafa se gae hain wapas

mujhe hai bas intizar is ka

ki main mohabbat ko nazr kar dun