naadaanii
Interesting Fact
(پوپ کی نظم HUMAN FOLLy کا ترجمہ)
jis qadar bhii 'ilm yaa daulat kisii ke paas hai
apnii yaktaa.ii kaa utnaa hii use ehsaas hai
KHush hai daanaa vo samajhtaa hai ki huu.n daanaa-e-raaz
ahl-e-sarvat ko to apne maal-o-zar par naaz hai
be-navaa KHush hai ki KHud us kaa KHudaa dam-saaz hai
dekhiye mastii me.n kaise raqs kartaa hai gadaa
ek diivaana bhii hai apnii jagah farmaa.n-ravaa
kiimiyaa-gar chaahe muflis kyo.n na ho masruur hai
shaa'ir-e-Gamgii.n bhii she'ro.n ke nashe me.n chuur hai
jis ko dekho us ke dil me.n ik KHayaal-e-KHaam hai
dekhiye kitnaa takabbur is jahaa.n me.n 'aam hai
aadmii rahtaa hai aksar ek jazbe kaa shikaar
ik faqat ummiid par hai zindagii kaa inhisaar
ek bachcha gudgudaane se bhii KHush ho jaa.egaa
ek maa'muulii khilaunaa us kaa dil bahalaa.egaa
phir javaanii me.n ko.ii KHush-tar khilaunaa chaahiye
ye khilaunaa kuchh pasandiida bhii honaa chaahiye
chaahtaa hai aur aage jaa ke vo atlas hariir
yaa ko.ii tasbiih le kar kheltaa hai mard-e-piir
al-Garaz har vaqt us ke dil ko bahlaataa hai khel
thak ke rah jaataa hai aaKHir KHatm ho jaataa hai khel
jis qadar bhii 'ilm yaa daulat kisii ke paas hai
apnii yaktaa.ii kaa utnaa hii use ehsaas hai
KHush hai daanaa vo samajhtaa hai ki huu.n daanaa-e-raaz
ahl-e-sarvat ko to apne maal-o-zar par naaz hai
be-navaa KHush hai ki KHud us kaa KHudaa dam-saaz hai
dekhiye mastii me.n kaise raqs kartaa hai gadaa
ek diivaana bhii hai apnii jagah farmaa.n-ravaa
kiimiyaa-gar chaahe muflis kyo.n na ho masruur hai
shaa'ir-e-Gamgii.n bhii she'ro.n ke nashe me.n chuur hai
jis ko dekho us ke dil me.n ik KHayaal-e-KHaam hai
dekhiye kitnaa takabbur is jahaa.n me.n 'aam hai
aadmii rahtaa hai aksar ek jazbe kaa shikaar
ik faqat ummiid par hai zindagii kaa inhisaar
ek bachcha gudgudaane se bhii KHush ho jaa.egaa
ek maa'muulii khilaunaa us kaa dil bahalaa.egaa
phir javaanii me.n ko.ii KHush-tar khilaunaa chaahiye
ye khilaunaa kuchh pasandiida bhii honaa chaahiye
chaahtaa hai aur aage jaa ke vo atlas hariir
yaa ko.ii tasbiih le kar kheltaa hai mard-e-piir
al-Garaz har vaqt us ke dil ko bahlaataa hai khel
thak ke rah jaataa hai aaKHir KHatm ho jaataa hai khel
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
