saffaak raat aatii hai chupke chupke

saffāk raat aatī hai chupke chupke

be-sakat jism kī kamzor bandishoñ ko toḌtī huī

dil meñ dāḳhil ho jaatī hai

chhīntī rahtī hai zindagī kī qadr-o-qīmat ko

tārīkī kī yūrish se dil haar maan letā hai

haar kī ye sharm aur ḳhastagī-o-darmāñdagī kī ye tauhīn

jab bahut baḌh jaatī haiñ to āchānak ufuq par nazar aatā hai

din kā jhanDā sunahrī kirnoñ se munaqqash

ākāsh ke kisī duur darāz markaz se jaise

ek dhun uThtī hai jhuuT jhuuT kahtī huī

tulū'-e-sub.h kī pur-nashāt raushnī meñ

ġham ko jītne vaalī mūrat dekhtā huuñ apne

ḳhasta jism ke qil'e ke mīnār par

saffak raat aati hai chupke chupke

be-sakat jism ki kamzor bandishon ko toDti hui

dil mein daKHil ho jati hai

chhinti rahti hai zindagi ki qadr-o-qimat ko

tariki ki yurish se dil haar man leta hai

haar ki ye sharm aur KHastagi-o-darmandagi ki ye tauhin

jab bahut baDh jati hain to aachanak ufuq par nazar aata hai

din ka jhanDa sunahri kirnon se munaqqash

aakash ke kisi dur daraaz markaz se jaise

ek dhun uThti hai jhuT jhuT kahti hui

tulu'-e-subh ki pur-nashat raushni mein

gham ko jitne wali murat dekhta hun apne

KHasta jism ke qil'e ke minar par