tumhaare dar ke 'alaava ko.ii panaah nahii.n

tumhāre dar ke 'alāva koī panāh nahīñ

hamāre sar kī koī aur takiya-gāh nahīñ

'adū hai teġh-kashāñ aur maiñ sipar-andāz

ki mere paas koī teġh juz-ba-āh nahīñ

sharāb-ḳhāne se muñh moḌ luuñ to kyoñ āḳhir

sivā.e in ke kisī se bhī rasm-o-rāh nahīñ

jalānā chāhe jo duniyā mirā ye ḳhirman-e-jāñ

kaho jalā de ki hai kyā agar vo kaah nahīñ

lagām thaam ke chal bādshāh-e-kishvar-e-husn

hai kaun raah jahāñ koī dād-ḳhvāh nahīñ

har ek samt hai rāhoñ kā jaal phailā huā

tumhārī zulf se behtar koī panāh nahīñ

ḳhazīna-e-dil-e-'hāfiz' na zulf-o-ḳhāl ko sauñp

ki aise kaam ke qābil ye rū-siyāh nahīñ

tumhaare dar ke 'alawa koi panah nahin

hamare sar ki koi aur takiya-gah nahin

'adu hai tegh-kashan aur main sipar-andaz

ki mere pas koi tegh juz-ba-ah nahin

sharab-KHane se munh moD lun to kyon aaKHir

siwae in ke kisi se bhi rasm-o-rah nahin

jalana chahe jo duniya mera ye KHirman-e-jaan

kaho jala de ki hai kya agar wo kah nahin

lagam tham ke chal baadshah-e-kishwar-e-husn

hai kaun rah jahan koi dad-KHwah nahin

har ek samt hai rahon ka jal phaila hua

tumhaari zulf se behtar koi panah nahin

KHazina-e-dil-e-'hafiz' na zulf-o-KHal ko saunp

ki aise kaam ke qabil ye ru-siyah nahin