lafz mein rang ki goyai hai
lafz meñ rang kī goyā.ī hai
dil isī rabt kā saudā.ī hai
mujh meñ ik ghar hai jo ābā.ī hai
is ke har goshe meñ tanhā.ī hai
sā-e-gul hī amaañ degā ab
sar pe jo dhuup hai sahrā.ī hai
mere andar jo ḳhalā hai maujūd
mere hone kī pazīrā.ī hai
jis meñ hote haiñ subuk-dosh daraḳht
mujh ko us rut kī sadā aa.ī hai
maiñ kahīñ bhī nahīñ huuñ manzar meñ
ye mirī zaat kī paspā.ī hai
dekhiye kaun-sā marham utre
zaḳhm bhar zaḳhm kī gahrā.ī hai
lafz mein rang ki goyai hai
dil isi rabt ka saudai hai
mujh mein ek ghar hai jo aabai hai
is ke har goshe mein tanhai hai
sa-e-gul hi aman dega ab
sar pe jo dhup hai sahrai hai
mere andar jo KHala hai maujud
mere hone ki pazirai hai
jis mein hote hain subuk-dosh daraKHt
mujh ko us rut ki sada aai hai
main kahin bhi nahin hun manzar mein
ye meri zat ki paspai hai
dekhiye kaun-sa marham utre
zaKHm bhar zaKHm ki gahrai hai
- Book : Ham Zameen Par Aasmaan Ke Phool Hain (Pg. 94)
- Author : Vikas Sharma Raaz
- Publication : Rekhta Publications (2025)
- Edition : 3rd
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
