نام کے ساتھ ایک دو الفاظ کی دم چاہیئے

شعر پھیکا ہی سہی لیکن ترنم چاہیئے

سامنے اغیار کے بے پردہ اور مجھ سے حجاب

گلگلوں سے ہے اسے پرہیز اور گڑ کھائے ہے

یہ جراثیم عشق مر نہ سکے

ہم نے ٹیکے کرا کے دیکھ لیا

بن کے لیڈر سو رہے تو زندگی کس کام کی

امن قائم ہو گیا تو لیڈری کس کام کی

بن گیا کالج بھی بزم مہ وشاں

مرد عورت کا قرینہ ایک ہے

اس جہاں میں کہاں وفا لق لقؔ

خوب ٹھونک اور بجا کے دیکھ لیا

ترا مریض ہوں میں ڈاکٹر کا گھر نہ بتا

یہ درد عشق ہے ظالم کوئی بخار نہیں

شاعروں میں اب کہاں اچھے برے کا امتیاز

لاؤڈ اسپیکر نے سب کا بول بالا کر دیا

جھڑتی ہیں ان کے منہ سے جو منظوم گالیاں

سن سن کے واہ واہ کئے جا رہا ہوں میں

اب بھی وہ کہہ رہے ہیں کہ میرے بزرگ ہو

کچھ بھی ہوا نہ شیو کرانے سے فائدہ

نقش پائے یار کو چوموں تو چوموں کس طرح

ہو برا پتلون کا مجھ سے نہ بیٹھا جائے ہے

ان کے منہ سے دو کالمی گالی

قند ہے قند بھی مکرر ہے

ان کا دربان بن تو جاؤں مگر

موٹروں کا شمار کون کرے

قیس بننے سے ہم رہے لق لقؔ

سوٹ کو تار تار کون کرے

میں بھی اے جاں کوئی ہریجن تھا

بزم سے کیوں اٹھا دیا تو نے

تو وہ گل ہے کہ جس میں بو ہی نہیں

تو تو گوبھی کا پھول ہے پیارے

کسے داستان مصارف سناؤں

میں اس ڈیڑھ آنے میں کیا کیا بناؤں

عہد جدید میں نئے سامان عشق ہیں

کیا لطف عشق بازی کا جو فون پر نہ ہو

رقیب رو سیہ کی گت بنانا سہل ہے لیکن

ٹھٹھک جاتا ہوں میں جب مجھ کو تھانہ یاد آتا ہے

گرد کو بھی میں اس کی پا نہ سکا

یار موٹر خرام نے مارا

فصل گل میں چلے گا ساغر مے

ہو گئی گر ادھار کی صورت

نہ مانو مری التجا کو نہ مانو

رسالے میں سب کچھ چھپا چاہتا ہے

ٹپک پڑی ہے ترے منہ سے رال کیوں اے جاں

یہ ہے مرا جگر سوختہ کباب نہیں

سامنے میرے ملی دلبر نے چہرے پر کریم

اس طرح گویا وہ میرے دل پہ مکھن مل گیا