aa andalīb mil ke kareñ āh-o-zāriyāñ

tū haa.e gul pukār maiñ chillā.ūñ haa.e dil

aa andalib mil ke karen aah-o-zariyan

tu hae gul pukar main chillaun hae dil

TuuTe but masjid banī mismār but-ḳhāna huā

jab to ik sūrat bhī thī ab saaf vīrāna huā

TuTe but masjid bani mismar but-KHana hua

jab to ek surat bhi thi ab saf virana hua

chāñdnī rātoñ meñ chillātā phirā

chāñd sī jis ne vo sūrat dekh lī

chandni raaton mein chillata phira

chand si jis ne wo surat dekh li

dīd-e-lailā ke liye dīda-e-majnūñ hai zarūr

merī āñkhoñ se koī dekhe tamāshā terā

did-e-laila ke liye dida-e-majnun hai zarur

meri aankhon se koi dekhe tamasha tera

ka.abe ko jaatā kis liye hindostāñ se maiñ

kis but meñ shahr-e-hind ke shān-e-ḳhudā na thī

kabe ko jata kis liye hindostan se main

kis but mein shahr-e-hind ke shan-e-KHuda na thi