dar-o-dīvār pe hasrat se nazar karte haiñ

ḳhush raho ahl-e-vatan ham to safar karte haiñ

dar-o-diwar pe hasrat se nazar karte hain

KHush raho ahl-e-watan hum to safar karte hain

be-muravvat ho bevafā ho tum

apne matlab ke āshnā ho tum

be-murawwat ho bewafa ho tum

apne matlab ke aashna ho tum

yahī tashvīsh shab-o-roz hai bangāle meñ

lucknow phir kabhī dikhlā.e muqaddar merā

yahi tashwish shab-o-roz hai bangale mein

lucknow phir kabhi dikhlae muqaddar mera

ulfat ne tirī ham ko to rakkhā na kahīñ kā

dariyā kā na jangal kā samā kā na zamīñ kā

ulfat ne teri hum ko to rakkha na kahin ka

dariya ka na jangal ka sama ka na zamin ka

kamar dhokā dahan uqda ġhazāl āñkheñ parī chehra

shikam hiirā badan ḳhushbū jabīñ dariyā zabāñ iisā

kamar dhoka dahan uqda ghazal aankhen pari chehra

shikam hira badan KHushbu jabin dariya zaban isa