عذار یار نظر بند چشم گریاں ہے
دلچسپ معلومات
۱۸۱۶ء
عذار یار نظر بند چشم گریاں ہے
عجب کہ پر تو خور شمع شبنمستاں ہے
ہجوم ضبط فغاں سے مری زبان خموش
برنگ بستہ بہ زہراب دادہ پیکاں ہے
قباے جلوہ فزا ہے لباس عریانی
بطرز گل رگ جاں مجھ کو تار داماں ہے
لب گزیدۂ معشوق ہے دل افگار
کہ بخیہ جلوۂ آثار زخم دنداں ہے
کشود غنچۂ خاطر عجب نہ رکھ غافل
صبا خرامی خوباں بہار ساماں ہے
فغاں کہ بہر شفاے حصول ناشدنی
دماغ ناز کش منت طبیباں ہے
طلسم منت یک خلق سے رہائی دی
جہاں جہاں مرے قاتل کا مجھ پہ احساں ہے
جنوں نے مجھ کو بنایا ہے مدعی میرا
ہمیشہ ہاتھ میں میرے مرا گریباں ہے
اسدؔ کو زیست تھی مشکل اگر نہ سن لیتا
کہ قتل عاشق دلدادہ تجھ کو آساں ہے
مأخذ:
دیوان غالب جدید (Pg. 368)
- مصنف: مرزا غالب
-
- ناشر: مدھیہ پردیش اردو اکیڈمی، بھوپال
- سن اشاعت: 1982
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
