خلوت آبلۂ پا میں ہے جولاں میرا

خلوت آبلۂ پا میں ہے جولاں میرا

خوں ہے دل تنگی وحشت سے بیاباں میرا

ذوق سرشار سے بے پردہ ہے طوفاں میرا

موج خمیازہ ہے ہر زخم نمایاں میرا

عیش بازی کدۂ حسرت جاوید رسا

خون آدینہ سے رنگیں ہے دبستاں میرا

حسرت نشہ وحشت نہ بہ سعی دل ہے

عرض خمیازۂ مجنوں ہے گریباں میرا

عالم بے سروسامانی فرصت مت پوچھ

لنگر وحشت مجنوں ہے بیاباں میرا

بے دماغ تپش رشک ہوں اے جلوۂ حسن

تشنۂ خون دل و دیدہ ہے پیماں میرا

فہم زنجیری بے ربطی دل ہے یارب

کس زباں میں ہے لقب خواب پریشاں میرا

بہ ہوس درد سر اہل سلامت تا چند

مشکل عشق ہوں مطلب نہیں آساں میرا

سرمۂ مفت نظر ہوں مری قیمت یہ ہے

کہ رہے چشم خریدار پہ احساں میرا

رخصت نالہ مجھے دے کہ مبادا ظالم

تیرے چہرے سے ہو ظاہر غم پنہاں میرا

بوے یوسف مجھے گلزار سے آتی تھی اسدؔ

دے نے برباد کیا پیرہنستاں میرا