qatroñ se samundar kā banānā nahīñ mushkil

qatre meñ samundar ko samone kī adā siikh

qatron se samundar ka banana nahin mushkil

qatre mein samundar ko samone ki ada sikh

baiThegā to ruk jā.egī ye gardish-e-daurāñ

tū ḳhuuñ kī tarah jism meñ phirne kī adā siikh

baiThega to ruk jaegi ye gardish-e-dauran

tu KHun ki tarah jism mein phirne ki ada sikh

shauq-e-manzil mujhe yuuñ le ke uḌā

ḳhaar dekhe na rahguzar dekhī

shauq-e-manzil mujhe yun le ke uDa

KHar dekhe na rahguzar dekhi

agar chaltā sahāroñ par hī 'rāġhib'

to chalne ke kabhī qābil na hotā

agar chalta sahaaron par hi 'raghib'

to chalne ke kabhi qabil na hota

ab dil meñ ārzū-e-chaman hī nahīñ rahī

qisse sune jo ham ne qafas meñ bahār ke

ab dil mein aarzu-e-chaman hi nahin rahi

qisse sune jo hum ne qafas mein bahaar ke