Today's top 5 Urdu Shayari

sab pe jis baar ne girānī kī

us ko ye nā-tavāñ uThā laayā

sab pe jis bar ne girani ki

us ko ye na-tawan uTha laya

sūraj huuñ zindagī kī ramaq chhoḌ jā.ūñgā

maiñ Duub bhī gayā to shafaq chhoḌ jā.ūñgā

suraj hun zindagi ki ramaq chhoD jaunga

main Dub bhi gaya to shafaq chhoD jaunga

tū kahānī hī ke parde meñ bhalī lagtī hai

zindagī terī haqīqat nahīñ dekhī jaatī

tu kahani hi ke parde mein bhali lagti hai

zindagi teri haqiqat nahin dekhi jati

maiñ roz idhar se guzartā huuñ kaun dekhtā hai

maiñ jab idhar se na guzrūñgā kaun dekhegā

main roz idhar se guzarta hun kaun dekhta hai

main jab idhar se na guzrunga kaun dekhega

ab bhī ik umr pe jiine kā na andāz aayā

zindagī chhoḌ de pīchhā mirā maiñ baaz aayā

ab bhi ek umr pe jine ka na andaz aaya

zindagi chhoD de pichha mera main baz aaya