Today's top 5 Urdu Shayari

ġhairoñ se kahā tum ne ġhairoñ se sunā tum ne

kuchh ham se kahā hotā kuchh ham se sunā hotā

ghairon se kaha tum ne ghairon se suna tum ne

kuchh hum se kaha hota kuchh hum se suna hota

husn ke samajhne ko umr chāhiye jānāñ

do ghaḌī kī chāhat meñ laḌkiyāñ nahīñ khultīñ

husn ke samajhne ko umr chahiye jaanan

do ghaDi ki chahat mein laDkiyan nahin khultin

ghar se nikal kar jaatā huuñ maiñ roz kahāñ

ik din apnā pīchhā kar ke dekhā jaa.e

ghar se nikal kar jata hun main roz kahan

ek din apna pichha kar ke dekha jae

har dhaḌakte patthar ko log dil samajhte haiñ

umreñ biit jaatī haiñ dil ko dil banāne meñ

har dhaDakte patthar ko log dil samajhte hain

umren bit jati hain dil ko dil banane mein

apnī anā kī aaj bhī taskīn ham ne kī

jī bhar ke us ke husn kī tauhīn ham ne kī

apni ana ki aaj bhi taskin hum ne ki

ji bhar ke us ke husn ki tauhin hum ne ki