Today's top 5 Urdu Shayari

mire har amal ko sarāh kar ye aziyyateñ na diyā karo

mirī jaan tum bhī ajiib ho tumheñ rūThnā bhī to chāhiye

mere har amal ko sarah kar ye aziyyaten na diya karo

meri jaan tum bhi ajib ho tumhein ruThna bhi to chahiye

jin se insāñ ko pahuñchtī hai hamesha taklīf

un kā da.avā hai ki vo asl ḳhudā vaale haiñ

jin se insan ko pahunchti hai hamesha taklif

un ka dawa hai ki wo asl KHuda wale hain

maiñ to masjid se chalā thā kisī ka.aba kī taraf

dukh to ye hai ki ibādat mirī bad-nām huī

main to masjid se chala tha kisi kaba ki taraf

dukh to ye hai ki ibaadat meri bad-nam hui

kashtiyāñ sab kī kināre pe pahuñch jaatī haiñ

nāḳhudā jin kā nahīñ un kā ḳhudā hotā hai

kashtiyan sab ki kinare pe pahunch jati hain

naKHuda jin ka nahin un ka KHuda hota hai

'mus.hafī' ham to ye samjhe the ki hogā koī zaḳhm

tere dil meñ to bahut kaam rafū kā niklā

'mushafi' hum to ye samjhe the ki hoga koi zaKHm

tere dil mein to bahut kaam rafu ka nikla