Today's top 5 Urdu Shayari

qubūl kaise karūñ un kā faisla ki ye log

mire ḳhilāf hī merā bayān māñgte haiñ

qubul kaise karun un ka faisla ki ye log

mere KHilaf hi mera bayan mangte hain

maktab-e-ishq kā dastūr nirālā dekhā

us ko chhuTTī na milī jis ko sabaq yaad huā

maktab-e-ishq ka dastur nirala dekha

us ko chhuTTi na mili jis ko sabaq yaad hua

ham tum meñ kal duurī bhī ho saktī hai

vaj.h koī majbūrī bhī ho saktī hai

hum tum mein kal duri bhi ho sakti hai

wajh koi majburi bhi ho sakti hai

ġharaz ki kaaT diye zindagī ke din ai dost

vo terī yaad meñ hoñ yā tujhe bhulāne meñ

gharaz ki kaT diye zindagi ke din ai dost

wo teri yaad mein hon ya tujhe bhulane mein

kashtī-e-mai ko hukm-e-ravānī bhī bhej do

jab aag bhej dī hai to paanī bhī bhej do

kashti-e-mai ko hukm-e-rawani bhi bhej do

jab aag bhej di hai to pani bhi bhej do