Today's top 5 Urdu Shayari

dard aisā hai ki jī chāhe hai zinda rahiye

zindagī aisī ki mar jaane ko jī chāhe hai

dard aisa hai ki ji chahe hai zinda rahiye

zindagi aisi ki mar jaane ko ji chahe hai

ye intizār nahīñ sham.a hai rifāqat kī

is intizār se tanhā.ī ḳhūb-sūrat hai

ye intizar nahin shama hai rifaqat ki

is intizar se tanhai KHub-surat hai

ġham se mansūb karūñ dard kā rishta de duuñ

zindagī aa tujhe jiine kā salīqa de duuñ

gham se mansub karun dard ka rishta de dun

zindagi aa tujhe jine ka saliqa de dun

musāfiroñ se mohabbat kī baat kar lekin

musāfiroñ kī mohabbat kā e'tibār na kar

musafiron se mohabbat ki baat kar lekin

musafiron ki mohabbat ka e'tibar na kar

jhuk kar salām karne meñ kyā harj hai magar

sar itnā mat jhukāo ki dastār gir paḌe

jhuk kar salam karne mein kya harj hai magar

sar itna mat jhukao ki dastar gir paDe