Today's top 5 Urdu Shayari

vo kisī ko yaad kar ke muskurāyā thā udhar

aur maiñ nādān ye samjhā ki vo merā huā

wo kisi ko yaad kar ke muskuraya tha udhar

aur main nadan ye samjha ki wo mera hua

duniyā ke jo maze haiñ hargiz vo kam na hoñge

charche yūñhī raheñge afsos ham na hoñge

duniya ke jo maze hain hargiz wo kam na honge

charche yunhi rahenge afsos hum na honge

kamar bāñdhe hue chalne ko yaañ sab yaar baiThe haiñ

bahut aage ga.e baaqī jo haiñ tayyār baiThe haiñ

kamar bandhe hue chalne ko yan sab yar baiThe hain

bahut aage gae baqi jo hain tayyar baiThe hain

nāhaq ham majbūroñ par ye tohmat hai muḳhtārī kī

chāhte haiñ so aap kareñ haiñ ham ko abas badnām kiyā

nahaq hum majburon par ye tohmat hai muKHtari ki

chahte hain so aap karen hain hum ko abas badnam kiya

sair kar duniyā kī ġhāfil zindagānī phir kahāñ

zindagī gar kuchh rahī to ye javānī phir kahāñ

sair kar duniya ki ghafil zindagani phir kahan

zindagi gar kuchh rahi to ye jawani phir kahan