Today's top 5 Urdu Shayari

guloñ meñ rañg bhare bād-e-nau-bahār chale

chale bhī aao ki gulshan kā kārobār chale

gulon mein rang bhare baad-e-nau-bahaar chale

chale bhi aao ki gulshan ka karobar chale

koī kyuuñ kisī kā lubhā.e dil koī kyā kisī se lagā.e dil

vo jo bechte the davā-e-dil vo dukān apnī baḌhā ga.e

koi kyun kisi ka lubhae dil koi kya kisi se lagae dil

wo jo bechte the dawa-e-dil wo dukan apni baDha gae

jab maiñ chalūñ to saaya bhī apnā na saath de

jab tum chalo zamīn chale āsmāñ chale

jab main chalun to saya bhi apna na sath de

jab tum chalo zamin chale aasman chale

inhīñ pattharoñ pe chal kar agar aa sako to aao

mire ghar ke rāste meñ koī kahkashāñ nahīñ hai

inhin pattharon pe chal kar agar aa sako to aao

mere ghar ke raste mein koi kahkashan nahin hai

kahte haiñ umr-e-rafta kabhī lauTtī nahīñ

jā mai-kade se merī javānī uThā ke lā

kahte hain umr-e-rafta kabhi lauTti nahin

ja mai-kade se meri jawani uTha ke la