Today's top 5 Urdu Shayari

rāsta sochte rahne se kidhar bantā hai

sar meñ saudā ho to dīvār meñ dar bantā hai

rasta sochte rahne se kidhar banta hai

sar mein sauda ho to diwar mein dar banta hai

vo zahr detā to sab kī nigah meñ aa jaatā

so ye kiyā ki mujhe vaqt pe davā.eñ na diiñ

wo zahr deta to sab ki nigah mein aa jata

so ye kiya ki mujhe waqt pe dawaen na din

zindagī kam paḌhe pardesī kā ḳhat hai 'ibrat'

ye kisī tarah paḌhā jaa.e na samjhā jaa.e

zindagi kam paDhe pardesi ka KHat hai 'ibrat'

ye kisi tarah paDha jae na samjha jae

kashtiyāñ sab kī kināre pe pahuñch jaatī haiñ

nāḳhudā jin kā nahīñ un kā ḳhudā hotā hai

kashtiyan sab ki kinare pe pahunch jati hain

naKHuda jin ka nahin un ka KHuda hota hai

hameñ bhī aaj hī karnā thā intizār us kā

use bhī aaj hī sab vaade bhuul jaane the

hamein bhi aaj hi karna tha intizar us ka

use bhi aaj hi sab wade bhul jaane the