Today's top 5 Urdu Shayari

ye ishq nahīñ āsāñ itnā hī samajh liije

ik aag kā dariyā hai aur Duub ke jaanā hai

ye ishq nahin aasan itna hi samajh lije

ek aag ka dariya hai aur Dub ke jaana hai

jo sunñā chāho to bol uTTheñge añdhere bhī

na sunñā chāho to dil kī sadā sunā.ī na de

jo sunna chaho to bol uTThenge andhere bhi

na sunna chaho to dil ki sada sunai na de

kuchh der kisī zulf ke saa.e meñ Thahar jaa.eñ

'qābil' ġham-e-daurāñ kī abhī dhuup kaḌī hai

kuchh der kisi zulf ke sae mein Thahar jaen

'qabil' gham-e-dauran ki abhi dhup kaDi hai

tumheñ ġhairoñ se kab fursat ham apne ġham se kam ḳhālī

chalo bas ho chukā milnā na tum ḳhālī na ham ḳhālī

tumhein ghairon se kab fursat hum apne gham se kam KHali

chalo bas ho chuka milna na tum KHali na hum KHali

sādiq huuñ apne qaul kā 'ġhālib' ḳhudā gavāh

kahtā huuñ sach ki jhuuT kī aadat nahīñ mujhe

sadiq hun apne qaul ka 'ghaalib' KHuda gawah

kahta hun sach ki jhuT ki aadat nahin mujhe