Today's top 5 Urdu Shayari

chheḌ mat har dam na ā.īna dikhā

apnī sūrat se ḳhafā baiThe haiñ ham

chheD mat har dam na aaina dikha

apni surat se KHafa baiThe hain hum

ġham hai āvāra akele meñ bhaTak jaatā hai

jis jagah rahiye vahāñ milte-milāte rahiye

gham hai aawara akele mein bhaTak jata hai

jis jagah rahiye wahan milte-milate rahiye

dillī kahāñ ga.iiñ tire kūchoñ kī raunaqeñ

galiyoñ se sar jhukā ke guzarne lagā huuñ maiñ

dilli kahan gain tere kuchon ki raunaqen

galiyon se sar jhuka ke guzarne laga hun main

shahr-e-dil ābād thā jab tak vo shahr-ārā rahā

jab vo shahr-ārā gayā phir shahr-e-dil meñ kyā rahā

shahr-e-dil aabaad tha jab tak wo shahr-ara raha

jab wo shahr-ara gaya phir shahr-e-dil mein kya raha

yuuñ bhī hazāroñ lākhoñ meñ tum intiḳhāb ho

puurā karo savāl to phir lā-javāb ho

yun bhi hazaron lakhon mein tum intiKHab ho

pura karo sawal to phir la-jawab ho