Shayari on Delhi City

A city is a physical space and also a metaphor. All cities have had a history and a character of their own. They are the citadels of hope but also instill fear. Poets have used the idea and image of city in different ways. While the earlier poets saw kindness in cities, the new poets, see cruelty in them. Here are a few variations on the image of city.

dil bastī purānī dillī hai

jo bhī guzrā hai us ne luuTā hai

dil ki basti purani dilli hai

jo bhi guzra hai us ne luTa hai

Bashir Badr

amīr-zādoñ se dillī ke mil na tā-maqdūr

ki ham faqīr hue haiñ inhīñ daulat se

amir-zadon se dilli ke mil na ta-maqdur

ki hum faqir hue hain inhin ki daulat se

Meer Taqi Meer

dillī meñ aaj bhiik bhī miltī nahīñ unheñ

thā kal talak dimāġh jinheñ tāj-o-taḳht

dilli mein aaj bhik bhi milti nahin unhen

tha kal talak dimagh jinhen taj-o-taKHt ka

Meer Taqi Meer

chehre pe saare shahr ke gard-e-malāl hai

jo dil haal hai vahī dillī haal hai

chehre pe sare shahr ke gard-e-malal hai

jo dil ka haal hai wahi dilli ka haal hai

Malikzada Manzoor Ahmad

dillī kahāñ ga.iiñ tire kūchoñ raunaqeñ

galiyoñ se sar jhukā ke guzarne lagā huuñ maiñ

dilli kahan gain tere kuchon ki raunaqen

galiyon se sar jhuka ke guzarne laga hun main

Jaan Nisar Akhtar

ai vaa.e inqalāb zamāne ke jaur se

dillī 'zafar' ke haath se pal meñ nikal ga.ī

ai wae inqalab zamane ke jaur se

dilli 'zafar' ke hath se pal mein nikal gai

Bahadur Shah Zafar

janāb-e-'kaif' ye dillī hai 'mīr' o 'ġhālib'

yahāñ kisī taraf-dāriyāñ nahīñ chaltīñ

janab-e-'kaif' ye dilli hai 'mir' o 'ghaalib' ki

yahan kisi ki taraf-dariyan nahin chaltin

Kaif Bhopali

in dinoñ garche dakan meñ hai baḌī qadr-e-suḳhan

kaun jaa.e 'zauq' par dillī galiyāñ chhoḌ kar

in dinon garche dakan mein hai baDi qadr-e-suKHan

kaun jae 'zauq' par dilli ki galiyan chhoD kar

Sheikh Ibrahim Zauq

dillī chhuTī thī pahle ab lucknow bhī chhoḌeñ

do shahar the ye apne donoñ tabāh nikle

dilli chhuTi thi pahle ab lucknow bhi chhoDen

do shahar the ye apne donon tabah nikle

Mirza Hadi Ruswa

dillī ke na the kūche aurāq-e-musavvar the

jo shakl nazar aa.ī tasvīr nazar aa.ī

dilli ke na the kuche auraq-e-musawwar the

jo shakl nazar aai taswir nazar aai

Meer Taqi Meer

kyuuñ matā-e-dil ke luT jaane koī ġham kare

shahr-e-dillī meñ to aise vāqiye hote rahe

kyun mata-e-dil ke luT jaane ka koi gham kare

shahr-e-dilli mein to aise waqiye hote rahe

Zubair Rizvi

marsiye dil ke ka.ī kah ke diye logoñ ko

shahr-e-dillī meñ hai sab paas nishānī us

marsiye dil ke kai kah ke diye logon ko

shahr-e-dilli mein hai sab pas nishani us ki

Meer Taqi Meer

ai sabā maiñ bhī thā āshufta-saroñ meñ yaktā

pūchhnā dillī galiyoñ se mirā naam kabhī

ai saba main bhi tha aashufta-saron mein yakta

puchhna dilli ki galiyon se mera nam kabhi

Hasan Naim

tazkira dehli-e-marhūm ai dost na chheḌ

na sunā jā.egā ham se ye fasāna hargiz

tazkira dehli-e-marhum ka ai dost na chheD

na suna jaega hum se ye fasana hargiz

Altaf Hussain Hali

dil mirā jalva-e-āriz ne bahalne na diyā

chandni-chowk se zaḳhmī ko nikalne na diyā

dil mera jalwa-e-ariz ne bahalne na diya

chandni-chowk se zaKHmi ko nikalne na diya

Unknown

arz-e-dakan meñ jaan to dillī meñ dil banī

aur shahr-e-lucknow meñ hinā ban ga.ī ġhazal

arz-e-dakan mein jaan to dilli mein dil bani

aur shahr-e-lucknow mein hina ban gai ghazal

Ganesh Bihari Tarz

dillī meñ apnā thā jo kuchh asbāb rah gayā

ik dil ko le ke aa.e haiñ us sarzamīñ se ham

dilli mein apna tha jo kuchh asbab rah gaya

ek dil ko le ke aae hain us sarzamin se hum

Mushafi Ghulam Hamdani

hamīñ haiñ maujib-e-bāb-e-fasāhat hazrat-e-'shā.ir'

zamāna sīkhtā hai ham se ham vo dillī vaale haiñ

hamin hain maujib-e-bab-e-fasahat hazrat-e-'shair'

zamana sikhta hai hum se hum wo dilli wale hain

Agha Shayar Qazalbash

dil-rubā tujh jo dil lene meñ ayyārī kare

phir koī dillī meñ kyā dil ḳhabardārī kare

dil-ruba tujh sa jo dil lene mein ayyari kare

phir koi dilli mein kya dil ki KHabardari kare

Abdul Rahman Ehsan Dehlvi

dillī pe ronā aatā hai kartā huuñ jab nigāh

maiñ us kuhan ḳharābe ta.amīr taraf

dilli pe rona aata hai karta hun jab nigah

main us kuhan KHarabe ki tamir ki taraf

Mushafi Ghulam Hamdani

Related Tags