Today's top 5 Urdu Shayari

likhne ko likh rahe haiñ ġhazab kī kahāniyāñ

likkhī na jā sakī magar apnī hī dāstāñ

likhne ko likh rahe hain ghazab ki kahaniyan

likkhi na ja saki magar apni hi dastan

samjhā liyā fareb se mujh ko to aap ne

dil se to pūchh lījiye kyuuñ be-qarār hai

samjha liya fareb se mujh ko to aap ne

dil se to puchh lijiye kyun be-qarar hai

mere liye jiine kā sahārā hai abhī tak

vo ahd-e-tamannā ki tumheñ yaad na hogā

mere liye jine ka sahaara hai abhi tak

wo ahd-e-tamanna ki tumhein yaad na hoga

merī rusvā.ī ke asbāb haiñ mere andar

aadmī huuñ so bahut ḳhvāb haiñ mere andar

meri ruswai ke asbab hain mere andar

aadmi hun so bahut KHwab hain mere andar

tamām umr mirā mujh se iḳhtilāf rahā

gila na kar jo kabhī terā ham-navā na huā

tamam umr mera mujh se iKHtilaf raha

gila na kar jo kabhi tera ham-nawa na hua