Today's top 5 Urdu Shayari

vo ek hī chehra to nahīñ saare jahāñ meñ

jo duur hai vo dil se utar kyuuñ nahīñ jaatā

wo ek hi chehra to nahin sare jahan mein

jo dur hai wo dil se utar kyun nahin jata

shāḳh-e-gul jhuum ke gulzār meñ sīdhī jo huī

phir gayā aañkh meñ naqsha tirī añgḌā.ī kā

shaKH-e-gul jhum ke gulzar mein sidhi jo hui

phir gaya aankh mein naqsha teri angDai ka

ḳhvāb hī ḳhvāb kab talak dekhūñ

kaash tujh ko bhī ik jhalak dekhūñ

KHwab hi KHwab kab talak dekhun

kash tujh ko bhi ek jhalak dekhun

shīsha-e-ābrū sambhāl ai dil

daur ulTā chalā hai duniyā kā

shisha-e-abru sambhaal ai dil

daur ulTa chala hai duniya ka

udāsī kar rahī hai raqs-e-hijrat

hamesha ke liye vo jā rahā hai

udasi kar rahi hai raqs-e-hijrat

hamesha ke liye wo ja raha hai