Today's top 5 Urdu Shayari

maslahat kā yahī taqāzā hai

vo na māneñ to maan jaao tum

maslahat ka yahi taqaza hai

wo na manen to man jao tum

us sitamgar kī haqīqat ham pe zāhir ho ga.ī

ḳhatm ḳhush-fahmī kī manzil kā safar bhī ho gayā

us sitamgar ki haqiqat hum pe zahir ho gai

KHatm KHush-fahmi ki manzil ka safar bhi ho gaya

jab bigaḌte haiñ baat baat pe vo

vasl ke din qarīb hote haiñ

jab bigaDte hain baat baat pe wo

wasl ke din qarib hote hain

mohabbat vahīñ tak hai sachchī mohabbat

jahāñ tak koī ahd-o-paimāñ nahīñ hai

mohabbat wahin tak hai sachchi mohabbat

jahan tak koi ahd-o-paiman nahin hai

vo chāñdnī meñ phirte haiñ ghar ghar ye shor hai

niklā hai āftāb shab-e-māhtāb meñ

wo chandni mein phirte hain ghar ghar ye shor hai

nikla hai aaftab shab-e-mahtab mein