Today's top 5 Urdu Shayari

ai ġham-e-zindagī na ho nārāz

mujh ko aadat hai muskurāne kī

ai gham-e-zindagi na ho naraaz

mujh ko aadat hai muskurane ki

tum takalluf ko bhī iḳhlās samajhte ho 'farāz'

dost hotā nahīñ har haath milāne vaalā

tum takalluf ko bhi iKHlas samajhte ho 'faraaz'

dost hota nahin har hath milane wala

bikhrā bikhrā huuñ ek muddat se

rafta rafta sañvar rahā huuñ maiñ

bikhra bikhra hun ek muddat se

rafta rafta sanwar raha hun main

jaise jaise āgahī baḌhtī ga.ī vaise 'zahīr'

zehn o dil ik dūsre se munfasil hote ga.e

jaise jaise aagahi baDhti gai waise 'zahir'

zehn o dil ek dusre se munfasil hote gae

aql ye kahtī hai duniyā miltī hai bāzār meñ

dil magar ye kahtā hai kuchh aur behtar dekhiye

aql ye kahti hai duniya milti hai bazar mein

dil magar ye kahta hai kuchh aur behtar dekhiye