Today's top 5 Urdu Shayari

kuchh nahīñ chāhiye tujh se ai mirī umr-e-ravāñ

mirā bachpan mire jugnū mirī guḌiyā lā de

kuchh nahin chahiye tujh se ai meri umr-e-rawan

mera bachpan mere jugnu meri guDiya la de

har ghaḌī ik nayā taqāzā hai

dard-e-sar ban gayā badan merā

har ghaDi ek naya taqaza hai

dard-e-sar ban gaya badan mera

tamām shahr kī āñkhoñ meñ reza reza huuñ

kisī bhī aañkh se uThtā nahīñ mukammal maiñ

tamam shahr ki aankhon mein reza reza hun

kisi bhi aankh se uThta nahin mukammal main

āñkhoñ meñ kaise tan ga.ī dīvār-e-be-hisī

sīnoñ meñ ghuT ke rah ga.ī āvāz kis tarah

aankhon mein kaise tan gai diwar-e-be-hisi

sinon mein ghuT ke rah gai aawaz kis tarah

tamannā hai ye dil meñ jab talak hai dam meñ dam apne

'zafar' muñh se hamāre naam us kā dam-ba-dam nikle

tamanna hai ye dil mein jab talak hai dam mein dam apne

'zafar' munh se hamare nam us ka dam-ba-dam nikle