maiñ tanhā laḌkī dayār-e-shab meñ jalā.ūñ sach ke diye kahāñ tak

siyāhkāroñ kī saltanat meñ maiñ kis tarah āftāb likkhūñ

main tanha laDki dayar-e-shab mein jalaun sach ke diye kahan tak

siyahkaron ki saltanat mein main kis tarah aaftab likkhun

titliyāñ jugnū sabhī hoñge magar dekhegā kaun

ham sajā bhī leñ agar dīvār-o-dar dekhegā kaun

titliyan jugnu sabhi honge magar dekhega kaun

hum saja bhi len agar diwar-o-dar dekhega kaun

us shahr meñ kitne chehre the kuchh yaad nahīñ sab bhuul ga.e

ik shaḳhs kitāboñ jaisā thā vo shaḳhs zabānī yaad huā

us shahr mein kitne chehre the kuchh yaad nahin sab bhul gae

ek shaKHs kitabon jaisa tha wo shaKHs zabani yaad hua

use laakh dil se pukār lo use dekh lo

koī ek harf javāb meñ nahīñ aa.egā

use lakh dil se pukar lo use dekh lo

koi ek harf jawab mein nahin aaega

ye aarzū thī ki ham us ke saath saath chaleñ

magar vo shaḳhs to rasta badaltā jaatā hai

ye aarzu thi ki hum us ke sath sath chalen

magar wo shaKHs to rasta badalta jata hai