kuchh nahīñ chāhiye tujh se ai mirī umr-e-ravāñ

mirā bachpan mire jugnū mirī guḌiyā lā de

kuchh nahin chahiye tujh se ai meri umr-e-rawan

mera bachpan mere jugnu meri guDiya la de

maiñ tanhā laḌkī dayār-e-shab meñ jalā.ūñ sach ke diye kahāñ tak

siyāhkāroñ kī saltanat meñ maiñ kis tarah āftāb likkhūñ

main tanha laDki dayar-e-shab mein jalaun sach ke diye kahan tak

siyahkaron ki saltanat mein main kis tarah aaftab likkhun

ye aarzū thī ki ham us ke saath saath chaleñ

magar vo shaḳhs to rasta badaltā jaatā hai

ye aarzu thi ki hum us ke sath sath chalen

magar wo shaKHs to rasta badalta jata hai

maiñ faisle kī ghaḌī se guzar chukī huuñ magar

kisī kā dīda-e-hairāñ mirī talāsh meñ hai

main faisle ki ghaDi se guzar chuki hun magar

kisi ka dida-e-hairan meri talash mein hai

ye sardiyoñ kā udaas mausam ki dhaḌkaneñ barf ho ga.ī haiñ

jab un kī yaḳh-bastagī parakhnā tamāzateñ bhī shumār karnā

ye sardiyon ka udas mausam ki dhaDkanen barf ho gai hain

jab un ki yaKH-bastagi parakhna tamazaten bhi shumar karna

jalā.e rakkhūñgī sub.h tak maiñ tumhāre rastoñ meñ apnī āñkheñ

magar kahīñ zabt TuuT jaa.e to bārisheñ bhī shumār karnā

jalae rakkhungi subh tak main tumhaare raston mein apni aankhen

magar kahin zabt TuT jae to barishen bhi shumar karna

ye ham hī jānte haiñ judā.ī ke moḌ par

is dil kā jo bhī haal tujhe dekh kar huā

ye hum hi jaante hain judai ke moD par

is dil ka jo bhi haal tujhe dekh kar hua

tujh se ab aur mohabbat nahīñ kī jā saktī

ḳhud ko itnī bhī aziyyat nahīñ dī jā saktī

tujh se ab aur mohabbat nahin ki ja sakti

KHud ko itni bhi aziyyat nahin di ja sakti

us shahr meñ kitne chehre the kuchh yaad nahīñ sab bhuul ga.e

ik shaḳhs kitāboñ jaisā thā vo shaḳhs zabānī yaad huā

us shahr mein kitne chehre the kuchh yaad nahin sab bhul gae

ek shaKHs kitabon jaisa tha wo shaKHs zabani yaad hua

titliyāñ jugnū sabhī hoñge magar dekhegā kaun

ham sajā bhī leñ agar dīvār-o-dar dekhegā kaun

titliyan jugnu sabhi honge magar dekhega kaun

hum saja bhi len agar diwar-o-dar dekhega kaun

use laakh dil se pukār lo use dekh lo

koī ek harf javāb meñ nahīñ aa.egā

use lakh dil se pukar lo use dekh lo

koi ek harf jawab mein nahin aaega

kisī harf meñ kisī baab meñ nahīñ aa.egā

tirā zikr merī kitāb meñ nahīñ aa.egā

kisi harf mein kisi bab mein nahin aaega

tera zikr meri kitab mein nahin aaega

band hotī kitāboñ meñ uḌtī huī titliyāñ Daal diiñ

kis kī rasmoñ kī jaltī huī aag meñ laḌkiyāñ Daal diiñ

band hoti kitabon mein uDti hui titliyan Dal din

kis ki rasmon ki jalti hui aag mein laDkiyan Dal din

dil kā kyā hai dil ne kitne manzar dekhe lekin

āñkheñ pāgal ho jaatī haiñ ek ḳhayāl se pahle

dil ka kya hai dil ne kitne manzar dekhe lekin

aankhen pagal ho jati hain ek KHayal se pahle