Today's top 5 Urdu Shayari

honā hai dard-e-ishq se gar lazzat-āshnā

dil ko ḳharāb-e-talḳhī-e-hijrāñ to kījiye

hona hai dard-e-ishq se gar lazzat-ashna

dil ko KHarab-e-talKHi-e-hijran to kijiye

is tarah hosh gañvānā bhī koī baat nahīñ

aur yuuñ hosh se rahne meñ bhī nādānī hai

is tarah hosh ganwana bhi koi baat nahin

aur yun hosh se rahne mein bhi nadani hai

zālim thā vo aur zulm kī aadat bhī bahut thī

majbūr the ham us se mohabbat bhī bahut thī

zalim tha wo aur zulm ki aadat bhi bahut thi

majbur the hum us se mohabbat bhi bahut thi

bahut hairat-zada hai aa.ina bhī

ki chehre par koī chehra nahīñ hai

bahut hairat-zada hai aaina bhi

ki chehre par koi chehra nahin hai

jo chup rahā to vo samjhegā bad-gumān mujhe

burā bhalā hī sahī kuchh to bol aa.uuñ maiñ

jo chup raha to wo samjhega bad-guman mujhe

bura bhala hi sahi kuchh to bol aaun main