Today's top 5 Urdu Shayari

pahlī baar nazroñ ne chāñd bolte dekhā

ham javāb kyā dete kho ga.e savāloñ meñ

pahli bar nazron ne chand bolte dekha

hum jawab kya dete kho gae sawalon mein

husn ko bhī kahāñ nasīb 'jigar'

vo jo ik shai mirī nigāh meñ hai

husn ko bhi kahan nasib 'jigar'

wo jo ek shai meri nigah mein hai

dushmanoñ kī dushmanī mere liye āsān thī

ḳharch aayā dostoñ kī mezbānī meñ bahut

dushmanon ki dushmani mere liye aasan thi

KHarch aaya doston ki mezbani mein bahut

Dūbne vaalā thā din shaam thī hone vaalī

yuuñ lagā mirī koī chiiz thī khone vaalī

Dubne wala tha din sham thi hone wali

yun laga meri koi chiz thi khone wali

ai mauj-e-havādis tujhe mālūm nahīñ kyā

ham ahl-e-mohabbat haiñ fanā ho nahīñ sakte

ai mauj-e-hawadis tujhe malum nahin kya

hum ahl-e-mohabbat hain fana ho nahin sakte