jam.a kartī hai mujhe raat bahut mushkil se

sub.h ko ghar se nikalte hī bikharne ke liye

jama karti hai mujhe raat bahut mushkil se

subh ko ghar se nikalte hi bikharne ke liye

ḳhud banā letā huuñ maiñ apnī udāsī kā sabab

DhūñD hī letī hai 'shāhīñ' mujh ko vīrānī mirī

KHud bana leta hun main apni udasi ka sabab

DhunD hi leti hai 'shahin' mujh ko virani meri

kuchh zamāne kī ravish ne saḳht mujh ko kar diyā

aur kuchh bedard maiñ us ko bhulāne se huā

kuchh zamane ki rawish ne saKHt mujh ko kar diya

aur kuchh bedard main us ko bhulane se hua

maza to jab hai udāsī kī shaam ho 'shāhīñ'

aur us ke biich se shām-e-tarab nikal aa.e

maza to jab hai udasi ki sham ho 'shahin'

aur us ke bich se sham-e-tarab nikal aae

thoḌā sā kahīñ jam.a bhī rakh dard kā paanī

mausam hai koī ḳhushk sā barsāt se aage

thoDa sa kahin jama bhi rakh dard ka pani

mausam hai koi KHushk sa barsat se aage