Today's top 5 Urdu Shayari

ashk-e-ġham le ke āḳhir kidhar jaa.eñ ham āñsuoñ kī yahāñ koī qīmat nahīñ

aap hī apnā dāman baḌhā dījiye varna motī zamīñ par bikhar jā.eñge

ashk-e-gham le ke aaKHir kidhar jaen hum aansuon ki yahan koi qimat nahin

aap hi apna daman baDha dijiye warna moti zamin par bikhar jaenge

varaq varaq tujhe tahrīr kartā rahtā huuñ

maiñ zindagī tirī tash.hīr kartā rahtā huuñ

waraq waraq tujhe tahrir karta rahta hun

main zindagi teri tashhir karta rahta hun

Duub jaa.eñ na phuul kī nabzeñ

ai ḳhudā mausamoñ kī sāñseñ khol

Dub jaen na phul ki nabzen

ai KHuda mausamon ki sansen khol

dostī jab kisī se kī jaa.e

dushmanoñ kī bhī raa.e lī jaa.e

dosti jab kisi se ki jae

dushmanon ki bhi rae li jae

kināre hī se tūfāñ kā tamāshā dekhne vaale

kināre se kabhī andāza-e-tūfāñ nahīñ hotā

kinare hi se tufan ka tamasha dekhne wale

kinare se kabhi andaza-e-tufan nahin hota