Today's top 5 Urdu Shayari

vo bhalā kaise batā.e ki ġham-e-hijr hai kyā

jis ko āġhosh-e-mohabbat kabhī hāsil na huā

wo bhala kaise batae ki gham-e-hijr hai kya

jis ko aaghosh-e-mohabbat kabhi hasil na hua

ai vatan jab bhī sar-e-dasht koī phuul khilā

dekh kar tere shahīdoñ kī nishānī royā

ai watan jab bhi sar-e-dasht koi phul khila

dekh kar tere shahidon ki nishani roya

bazm-e-vafā sajī to ajab silsile hue

shikve hue na un se na ham se gile hue

bazm-e-wafa saji to ajab silsile hue

shikwe hue na un se na hum se gile hue

namāz-e-ishq tumhārī qubūl ho jaatī

agar sharāb se tum ai 'ratan' vazū karte

namaz-e-ishq tumhaari qubul ho jati

agar sharab se tum ai 'ratan' wazu karte

baiThā huā huuñ lag ke darīche se mahv-e-yās

ye shaam aaj mere barābar udaas hai

baiTha hua hun lag ke dariche se mahw-e-yas

ye sham aaj mere barabar udas hai