Today's top 5 Urdu Shayari

terī sūrat par gumān-e-dasht-o-sahrā haa.e haa.e

tere qadmoñ meñ bahāreñ zindagī ai zindagī

teri surat par guman-e-dasht-o-sahra hae hae

tere qadmon mein bahaaren zindagi ai zindagi

ik raushnī sī dil meñ thī vo bhī nahīñ rahī

vo kyā ga.e charāġh-e-tamannā bujhā ga.e

ek raushni si dil mein thi wo bhi nahin rahi

wo kya gae charagh-e-tamanna bujha gae

phuul the rañg the lamhoñ kī sabāhat ham the

aise zinda the ki jiine kī alāmat ham the

phul the rang the lamhon ki sabahat hum the

aise zinda the ki jine ki alamat hum the

ye vāqi.a mirī āñkhoñ ke sāmne kā hai

sharāb naach rahī thī gilās baiThe rahe

ye waqia meri aankhon ke samne ka hai

sharab nach rahi thi gilas baiThe rahe

ik chubhan hai ki jo bechain kiye rahtī hai

aisā lagtā hai ki kuchh TuuT gayā hai mujh meñ

ek chubhan hai ki jo bechain kiye rahti hai

aisa lagta hai ki kuchh TuT gaya hai mujh mein