Today's top 5 Urdu Shayari

maiñ ḳhayāl huuñ kisī aur kā mujhe sochtā koī aur hai

sar-e-ā.īna mirā aks hai pas-e-ā.īna koī aur hai

main KHayal hun kisi aur ka mujhe sochta koi aur hai

sar-e-aina mera aks hai pas-e-aina koi aur hai

koī milā to kisī aur kī kamī huī hai

so dil ne be-talabī iḳhtiyār kī huī hai

koi mila to kisi aur ki kami hui hai

so dil ne be-talabi iKHtiyar ki hui hai

ye alag baat ki vo dil se kisī aur kā thā

baat to us ne hamārī bhī ba-zāhir rakkhī

ye alag baat ki wo dil se kisi aur ka tha

baat to us ne hamari bhi ba-zahir rakkhi

mujh meñ saat samundar shor machāte haiñ

ek ḳhayāl ne dahshat phailā rakkhī hai

mujh mein sat samundar shor machate hain

ek KHayal ne dahshat phaila rakkhi hai

maiñ jo chup thā hama-tan-gosh thī bastī saarī

ab mire muñh meñ zabāñ hai koī suntā hī nahīñ

main jo chup tha hama-tan-gosh thi basti sari

ab mere munh mein zaban hai koi sunta hi nahin