Today's top 5 Urdu Shayari

ḳhabar-e-tahayyur-e-ishq sun na junūñ rahā na parī rahī

na to tū rahā na to maiñ rahā jo rahī so be-ḳhabarī rahī

KHabar-e-tahayyur-e-ishq sun na junun raha na pari rahi

na to tu raha na to main raha jo rahi so be-KHabari rahi

mushkil-e-ishq meñ lāzim hai tahammul 'sāqib'

baat bigḌī huī bantī nahīñ ghabrāne se

mushkil-e-ishq mein lazim hai tahammul 'saqib'

baat bigDi hui banti nahin ghabrane se

darkār tahaffuz hai pa saañs bhī lenā hai

dīvār banāo to dīvār meñ dar rakhnā

darkar tahaffuz hai pa sans bhi lena hai

diwar banao to diwar mein dar rakhna

dil kī masjid meñ kabhī paḌh le tahajjud kī namāz

phir sahar ke vaqt hoñToñ par duā bhī aa.egī

dil ki masjid mein kabhi paDh le tahajjud ki namaz

phir sahar ke waqt honTon par dua bhi aaegi

badal rahe haiñ zamāne ke rañg kyā kyā dekh

nazar uThā ki ye duniyā hai dekhne ke liye

badal rahe hain zamane ke rang kya kya dekh

nazar uTha ki ye duniya hai dekhne ke liye