Duniya Shayari

aaj bhī burī kyā hai kal bhī ye burī kyā thī

is kā naam duniyā hai ye badaltī rahtī hai

aaj bhi buri kya hai kal bhi ye buri kya thi

is ka nam duniya hai ye badalti rahti hai

badal rahe haiñ zamāne ke rañg kyā kyā dekh

nazar uThā ki ye duniyā hai dekhne ke liye

badal rahe hain zamane ke rang kya kya dekh

nazar uTha ki ye duniya hai dekhne ke liye

bahut mushkil hai duniyā kā sañvarnā

tirī zulfoñ kā pech-o-ḳham nahīñ hai

bahut mushkil hai duniya ka sanwarna

teri zulfon ka pech-o-KHam nahin hai

bas ham donoñ zinda haiñ

baaqī duniyā faanī hai

bas hum donon zinda hain

baqi duniya fani hai

bāzīcha-e-atfāl hai duniyā mire aage

hotā hai shab-o-roz tamāshā mire aage

bazicha-e-atfal hai duniya mere aage

hota hai shab-o-roz tamasha mere aage

behtar to hai yahī ki na duniyā se dil lage

par kyā kareñ jo kaam na be-dil-lagī chale

behtar to hai yahi ki na duniya se dil lage

par kya karen jo kaam na be-dil-lagi chale

bhalā huā ki na haath aayā jāma-e-pur-zar

gazī ke kapḌe badalte to ham badal jaate

bhala hua ki na hath aaya jama-e-pur-zar

gazi ke kapDe badalte to hum badal jate

bhuul shāyad bahut baḌī kar lī

dil ne duniyā se dostī kar lī

bhul shayad bahut baDi kar li

dil ne duniya se dosti kar li

chale to paañv ke nīche kuchal ga.ī koī shai

nashe kī jhoñk meñ dekhā nahīñ ki duniyā hai

chale to panw ke niche kuchal gai koi shai

nashe ki jhonk mein dekha nahin ki duniya hai

daa.em ābād rahegī duniyā

ham na hoñge koī ham sā hogā

daem aabaad rahegi duniya

hum na honge koi hum sa hoga

dekhā hai zindagī ko kuchh itne qarīb se

chehre tamām lagne lage haiñ ajiib se

dekha hai zindagi ko kuchh itne qarib se

chehre tamam lagne lage hain ajib se

dekho duniyā hai dil hai

apnī apnī manzil hai

dekho duniya hai dil hai

apni apni manzil hai

dil kabhī ḳhvāb ke pīchhe kabhī duniyā kī taraf

ek ne ajr diyā ek ne ujrat nahīñ dī

dil kabhi KHwab ke pichhe kabhi duniya ki taraf

ek ne ajr diya ek ne ujrat nahin di

duniyā badal rahī hai zamāne ke saath saath

ab roz roz dekhne vaalā kahāñ se laa.eñ

duniya badal rahi hai zamane ke sath sath

ab roz roz dekhne wala kahan se laen

duniyā bahut ḳharāb hai jā-e-guzar nahīñ

bistar uThāo rahne ke qābil ye ghar nahīñ

duniya bahut KHarab hai ja-e-guzar nahin

bistar uThao rahne ke qabil ye ghar nahin

duniyā bas is se aur ziyāda nahīñ hai kuchh

kuchh roz haiñ guzārne aur kuchh guzar ga.e

duniya bas is se aur ziyaada nahin hai kuchh

kuchh roz hain guzarne aur kuchh guzar gae

duniyā hai sambhal ke dil lagānā

yaañ log ajab ajab mileñge

duniya hai sambhal ke dil lagana

yan log ajab ajab milenge

duniyā jise kahte haiñ jaadū kā khilaunā hai

mil jaa.e to miTTī hai kho jaa.e to sonā hai

duniya jise kahte hain jadu ka khilauna hai

mil jae to miTTi hai kho jae to sona hai

duniyā kī kyā chaah kareñ

duniyā ānī-jānī hai

duniya ki kya chah karen

duniya aani-jaani hai

duniyā kī mahfiloñ se uktā gayā huuñ yā rab

kyā lutf anjuman kā jab dil hī bujh gayā ho

duniya ki mahfilon se ukta gaya hun ya rab

kya lutf anjuman ka jab dil hi bujh gaya ho

duniyā kī ravish dekhī tirī zulf-e-dotā meñ

bantī hai ye mushkil se bigaḌtī hai zarā meñ

duniya ki rawish dekhi teri zulf-e-dota mein

banti hai ye mushkil se bigaDti hai zara mein

duniyā meñ ham rahe to ka.ī din pa is tarah

dushman ke ghar meñ jaise koī mehmāñ rahe

duniya mein hum rahe to kai din pa is tarah

dushman ke ghar mein jaise koi mehman rahe

duniyā meñ huuñ duniyā kā talabgār nahīñ huuñ

bāzār se guzrā huuñ ḳharīdār nahīñ huuñ

duniya mein hun duniya ka talabgar nahin hun

bazar se guzra hun KHaridar nahin hun

duniyā mire paḌos meñ ābād hai magar

merī duā-salām nahīñ us zalīl se

duniya mere paDos mein aabaad hai magar

meri dua-salam nahin us zalil se

duniyā ne kis kā rāh-e-fanā meñ diyā hai saath

tum bhī chale chalo yūñhī jab tak chalī chale

duniya ne kis ka rah-e-fana mein diya hai sath

tum bhi chale chalo yunhi jab tak chali chale

duniyā ne tajrabāt o havādis kī shakl meñ

jo kuchh mujhe diyā hai vo lauTā rahā huuñ maiñ

duniya ne tajrabaat o hawadis ki shakl mein

jo kuchh mujhe diya hai wo lauTa raha hun main

duniyā pasand aane lagī dil ko ab bahut

samjho ki ab ye baaġh bhī murjhāne vaalā hai

duniya pasand aane lagi dil ko ab bahut

samjho ki ab ye bagh bhi murjhane wala hai

duniyā to chāhtī hai yūñhī fāsle raheñ

duniyā ke mashvaroñ pe na jā us galī meñ chal

duniya to chahti hai yunhi fasle rahen

duniya ke mashwaron pe na ja us gali mein chal

duniyā to hai duniyā ki vo dushman hai sadā kī

sau baar tire ishq meñ ham ḳhud se laḌe haiñ

duniya to hai duniya ki wo dushman hai sada ki

sau bar tere ishq mein hum KHud se laDe hain

duniyā to sīdhī hai lekin duniyā vaale

jhūTī sachchī kah ke use bahkāte hoñge

duniya to sidhi hai lekin duniya wale

jhuTi sachchi kah ke use bahkate honge

ik dard-e-mohabbat hai ki jaatā nahīñ varna

jis dard kī DhūñDe koī duniyā meñ davā hai

ek dard-e-mohabbat hai ki jata nahin warna

jis dard ki DhunDe koi duniya mein dawa hai

ik ḳhvāb kā ḳhayāl hai duniyā kaheñ jise

hai is meñ ik tilism tamannā kaheñ jise

ek KHwab ka KHayal hai duniya kahen jise

hai is mein ek tilism tamanna kahen jise

ek ḳhvāb-o-ḳhayāl hai duniyā

e'tibār-e-nazar ko kyā kahiye

ek KHwab-o-KHayal hai duniya

e'tibar-e-nazar ko kya kahiye

ek maiñ huuñ ki is āshob-e-navā meñ chup huuñ

varna duniyā mire zaḳhmoñ kī zabāñ boltī hai

ek main hun ki is aashob-e-nawa mein chup hun

warna duniya mere zaKHmon ki zaban bolti hai

ik nazar kā fasāna hai duniyā

sau kahānī hai ik kahānī se

ek nazar ka fasana hai duniya

sau kahani hai ek kahani se

gaañv kī aañkh se bastī kī nazar se dekhā

ek hī rañg hai duniyā ko jidhar se dekhā

ganw ki aankh se basti ki nazar se dekha

ek hi rang hai duniya ko jidhar se dekha

ġham-e-duniyā bhī ġham-e-yār meñ shāmil kar lo

nashsha baḌhtā hai sharābeñ jo sharāboñ meñ mileñ

gham-e-duniya bhi gham-e-yar mein shamil kar lo

nashsha baDhta hai sharaben jo sharabon mein milen

ġham-e-zamāna ne majbūr kar diyā varna

ye aarzū thī ki bas terī aarzū karte

gham-e-zamana ne majbur kar diya warna

ye aarzu thi ki bas teri aarzu karte

ghar ke bāhar DhūñDhtā rahtā huuñ duniyā

ghar ke andar duniyā-dārī rahtī hai

ghar ke bahar DhunDhta rahta hun duniya

ghar ke andar duniya-dari rahti hai

hameñ ḳhabar hai zan-e-fāhisha hai ye duniyā

so ham bhī saath ise be-nikāh rakhte haiñ

hamein KHabar hai zan-e-fahisha hai ye duniya

so hum bhi sath ise be-nikah rakhte hain

haath duniyā kā bhī hai dil kī ḳharābī meñ bahut

phir bhī ai dost tirī ek nazar se kam hai

hath duniya ka bhi hai dil ki KHarabi mein bahut

phir bhi ai dost teri ek nazar se kam hai

ham duniyā se jab tañg aayā karte haiñ

apne saath ik shaam manāyā karte haiñ

hum duniya se jab tang aaya karte hain

apne sath ek sham manaya karte hain

ham ki apnī raah kā patthar samajhte haiñ use

ham se jaane kis liye duniyā na Thukrā.ī ga.ī

hum ki apni rah ka patthar samajhte hain use

hum se jaane kis liye duniya na Thukrai gai

ham yaqīnan yahāñ nahīñ hoñge

ġhāliban zindagī rahegī abhī

hum yaqinan yahan nahin honge

ghaaliban zindagi rahegi abhi

is tamāshe kā sabab varna kahāñ baaqī hai

ab bhī kuchh log haiñ zinda ki jahāñ baaqī hai

is tamashe ka sabab warna kahan baqi hai

ab bhi kuchh log hain zinda ki jahan baqi hai

jis kī havas ke vāste duniyā huī aziiz

vāpas hue to us kī mohabbat ḳhafā milī

jis ki hawas ke waste duniya hui aziz

wapas hue to us ki mohabbat KHafa mili

jitnī burī kahī jaatī hai utnī burī nahīñ hai duniyā

bachchoñ ke schōl meñ shāyad tum se milī nahīñ hai duniyā

jitni buri kahi jati hai utni buri nahin hai duniya

bachchon ke school mein shayad tum se mili nahin hai duniya

justujū jis kī thī us ko to na paayā ham ne

is bahāne se magar dekh lī duniyā ham ne

justuju jis ki thi us ko to na paya hum ne

is bahane se magar dekh li duniya hum ne

kaf-e-afsos malne se bhalā ab fā.eda kyā hai

dil-e-rāhat-talab kyuuñ ham na kahte the ye duniyā hai

kaf-e-afsos malne se bhala ab faeda kya hai

dil-e-rahat-talab kyun hum na kahte the ye duniya hai

kaise aa saktī hai aisī dil-nashīñ duniyā ko maut

kaun kahtā hai ki ye sab kuchh fanā ho jā.egā

kaise aa sakti hai aisi dil-nashin duniya ko maut

kaun kahta hai ki ye sab kuchh fana ho jaega