Today's top 5 Urdu Shayari

koshish bhī kar umiid bhī rakh rāsta bhī chun

phir is ke ba.ad thoḌā muqaddar talāsh kar

koshish bhi kar umid bhi rakh rasta bhi chun

phir is ke baad thoDa muqaddar talash kar

agar talāsh karūñ koī mil hī jā.egā

magar tumhārī tarah kaun mujh ko chāhegā

agar talash karun koi mil hi jaega

magar tumhaari tarah kaun mujh ko chahega

kis kī talāsh hai hameñ kis ke asar meñ haiñ

jab se chale haiñ ghar se musalsal safar meñ haiñ

kis ki talash hai hamein kis ke asar mein hain

jab se chale hain ghar se musalsal safar mein hain

talāsh-e-rizq kā ye marhala ajab hai ki ham

gharoñ se duur bhī ghar ke liye base hue haiñ

talash-e-rizq ka ye marhala ajab hai ki hum

gharon se dur bhi ghar ke liye base hue hain

aur hī vo log haiñ jin ko hai yazdāñ kī talāsh

mujh ko insānoñ kī duniyā meñ hai insāñ kī talāsh

aur hi wo log hain jin ko hai yazdan ki talash

mujh ko insanon ki duniya mein hai insan ki talash