دے حوصلے کی داد کے ہم تیرے غم میں آج

بیٹھے ہیں محفلوں کو سجائے ترے بغیر

میں اس سے قیمتی شے کوئی کھو نہیں سکتا

عدیلؔ ماں کی جگہ کوئی ہو نہیں سکتا

دل کی دھڑکن کو سنا غور سے کل رات عدیلؔ

جس کو میں ڈھونڈھتا رہتا ہوں بسا ہے مجھ میں

ہر طرف اپنے ہی اپنے ہائے تنہائی نہ پوچھ

کس قدر کھلتی ہے اکثر ہم کو بینائی نہ پوچھ

کہاں کے ماہر و کامل ہو تم ہنر میں عدیلؔ

تمہارے کام تو پروردگار کرتا ہے

تجھ سے جدا ہوئے تو یہ ہو جائیں گے جدا

باقی کہاں رہیں گے یہ سائے ترے بغیر

احسان رب محبتیں اتنی ملیں عدیلؔ

اس عمر مختصر میں نہ لوٹا سکیں گے ہم

تیرے ہوتے تو بیاباں بھی تھے گلشن سارے

تو نہیں ہے تو یہ دنیا ہے بیاباں جاناں

آزادیوں کے شوق و ہوس نے ہمیں عدیلؔ

اک اجنبی زمین کا قیدی بنا دیا

خواب تعبیر کر کے دیکھ سکیں

رابطہ اس قدر بحال نہ تھا

نیتوں کی کمی رہی ورنہ

ملنا اس کا بہت محال نہ تھا

جب اپنی سر زمین نے مجھ کو نہ دی پناہ

انجان وادیوں میں اترنا پڑا مجھے

رسم و رواج چھوڑ کے سب آ گئے یہاں

رکھی ہوئی ہیں طاق میں اب غیرتیں تمام

مرا دل ٹوٹ جانے پر میاں حیرت بھلا کیسی

اگر رستہ بدل جائے ستارے ٹوٹ جاتے ہیں

اسے شاعری نہ جانو یہ ہے میری آپ بیتی

میں نے لکھ دیا ہے دل کا سبھی حال چلتے چلتے

تیری جانب آ رہا ہوں روح کی تسکیں کو میں

حسرتیں دل کی میں دنیا میں نکال آیا بہت

دے حوصلے کی داد کہ ہم تیرے غم میں آج

بیٹھے ہیں محفلوں کو سجائے ترے بغیر

جس کا ساکن ہے مری ذات میں اب تک زندہ

پھول اس قبر پہ جا کر میں چڑھاؤں کیسے

مجھے تو لگتا ہے جیسے یہ کائنات تمام

ہے بازگشت یقیناً صدا کسی کی نہیں

تو مجھ سے دور چلی جائے عین ممکن ہے

مگر وہ عکس جو میری نظر میں رہتا ہے

مرا دل ٹوٹ جانے پر میاں حیرت بھلا کیسی

اگر رستہ بدل جائے ستارے ٹوٹ جاتے ہیں

رسم و رواج چھوڑ کے سب آ گئے یہاں

رکھی ہوئی ہیں طاق میں اب غیرتیں تمام

تیری خوشبو کے ساتھ آج عدیلؔ

پھر سے لوٹ آئی میری بینائی

تجھ سے جدا ہوئے تو یہ ہو جائیں گے جدا

باقی کہاں رہیں گے یہ سائے ترے بغیر

وائے قسمت سبب اس کا بھی یہ وحشت ٹھہری

در و دیوار میں رہ کر بھی میں بے گھر نکلا

جدا جو ہو گئے تسبیح روز و شب سے عدیلؔ

میں زندگی میں وہ دانے پرو نہیں سکتا