āġhāz-e-mohabbat meñ 'ājiz' ruktī na thī mauj-e-ashk-e-ravāñ

anjām ab in ḳhushk āñkhoñ se ik ashk nikalnā mushkil hai

aaghaz-e-mohabbat mein 'ajiz' rukti na thi mauj-e-ashk-e-rawan

anjam ab in KHushk aankhon se ek ashk nikalna mushkil hai

hasrateñ aa aa ke jam.a ho rahī haiñ dil ke paas

kārvāñ goyā pahuñchne vaalā hai manzil ke paas

hasraten aa aa ke jama ho rahi hain dil ke pas

karwan goya pahunchne wala hai manzil ke pas

ho bijliyoñ kā mujh se jahāñ par muqābla

yā-rab vahīñ chaman meñ mujhe āshiyāna de

ho bijliyon ka mujh se jahan par muqabla

ya-rab wahin chaman mein mujhe aashiyana de

hotā hai mahsūs ye 'ājiz' shāyad us ne dastak dī

tez havā ke jhoñke jab darvāze se Takrāte haiñ

hota hai mahsus ye 'ajiz' shayad us ne dastak di

tez hawa ke jhonke jab darwaze se Takraate hain

jis kī adā adā pe ho insāniyat ko naaz

mil jaa.e kaash aisā bashar DhūñDte haiñ ham

jis ki ada ada pe ho insaniyat ko naz

mil jae kash aisa bashar DhunDte hain hum