tumhārī yaad meñ duniyā ko huuñ bhulā.e hue

tumhāre dard ko siine se huuñ lagā.e hue

tumhaari yaad mein duniya ko hun bhulae hue

tumhaare dard ko sine se hun lagae hue

ye husn-e-dil-fareb ye aalam shabāb kā

goyā chhalak rahā hai piyāla sharāb kā

ye husn-e-dil-fareb ye aalam shabab ka

goya chhalak raha hai piyala sharab ka

tere shabāb ne kiyā mujh ko junūñ se āshnā

mere junūñ ne bhar diye rang tirī shabāb meñ

tere shabab ne kiya mujh ko junun se aashna

mere junun ne bhar diye rang teri shabab mein

jis husn kī hai chashm-e-tamannā ko justujū

vo āftāb meñ hai na hai māhtāb meñ

jis husn ki hai chashm-e-tamanna ko justuju

wo aaftab mein hai na hai mahtab mein

ilāhī kashti-e-dil bah rahī hai kis samundar meñ

nikal aatī haiñ maujeñ ham jise sāhil samajhte haiñ

ilahi kashti-e-dil bah rahi hai kis samundar mein

nikal aati hain maujen hum jise sahil samajhte hain