aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER
Aziz Bano Darab Wafa's Photo'

Aziz Bano Darab Wafa

1926 - 2005 | Lucknow, India

Renowned woman poet known from Lucknow and a companion of Qurratulain Hyder

Renowned woman poet known from Lucknow and a companion of Qurratulain Hyder

Sher of Aziz Bano Darab Wafa

8.4K
Favorite

SORT BY

ek muddat se ḳhayāloñ meñ basā hai jo shaḳhs

ġhaur karte haiñ to us koī chehra bhī nahīñ

ek muddat se KHayalon mein basa hai jo shaKHs

ghaur karte hain to us ka koi chehra bhi nahin

shiv to nahīñ ham phir bhī ham ne duniyā bhar ke zahr piye

itnī kaḌvāhaT hai muñh meñ kaise mīThī baat kareñ

shiw to nahin hum phir bhi hum ne duniya bhar ke zahr piye

itni kaDwahaT hai munh mein kaise miThi baat karen

mere hālāt ne yuuñ kar diyā patthar mujh ko

dekhne vāloñ ne dekhā bhī na chhū kar mujh ko

mere haalat ne yun kar diya patthar mujh ko

dekhne walon ne dekha bhi na chhu kar mujh ko

charāġh ban ke jalī thī maiñ jis mahfil meñ

use rulā to gayā kam se kam dhuāñ merā

charagh ban ke jali thi main jis ki mahfil mein

use rula to gaya kam se kam dhuan mera

ahmiyat mujhe apnī bhī to andāza hai

tum ga.e vaqt mānind gañvā do mujh ko

ahmiyat ka mujhe apni bhi to andaza hai

tum gae waqt ki manind ganwa do mujh ko

maiñ ne ye soch ke bo.e nahīñ ḳhvāboñ ke daraḳht

kaun jañgal meñ uge peḌ ko paanī degā

main ne ye soch ke boe nahin KHwabon ke daraKHt

kaun jangal mein uge peD ko pani dega

maiñ jab bhī us udāsī se uub jā.ūñgī

to yuuñ hañsegā ki mujh ko udaas kar degā

main jab bhi us ki udasi se ub jaungi

to yun hansega ki mujh ko udas kar dega

ham aise sūrmā haiñ laḌ ke jab hālāt se palTe

to baḌh ke zindagī ne pesh kiiñ baisākhiyāñ ham ko

hum aise surma hain laD ke jab haalat se palTe

to baDh ke zindagi ne pesh kin baisakhiyan hum ko

zindagī ke saare mausam aa ke ruḳhsat ho ga.e

merī āñkhoñ meñ kahīñ barsāt baaqī rah ga.ī

zindagi ke sare mausam aa ke ruKHsat ho gae

meri aankhon mein kahin barsat baqi rah gai

ham ne saarā jīvan bāñTī pyaar daulat logoñ meñ

ham saarā jīvan tarse pyaar paa.ī paa.ī ko

hum ne sara jiwan banTi pyar ki daulat logon mein

hum hi sara jiwan tarse pyar ki pai pai ko

ye hausla bhī kisī roz kar ke dekhūñgī

agar maiñ zaḳhm huuñ us to bhar ke dekhūñgī

ye hausla bhi kisi roz kar ke dekhungi

agar main zaKHm hun us ka to bhar ke dekhungi

kuredtā hai bahut raakh mere maazī

maiñ chuuk jā.ūñ to vo uñgliyāñ jalā legā

kuredta hai bahut rakh mere mazi ki

main chuk jaun to wo ungliyan jala lega

hamārī bebasī shahroñ dīvāroñ pe chipkī hai

hameñ DhūñDegī kal duniyā purāne ishtihāroñ meñ

hamari bebasi shahron ki diwaron pe chipki hai

hamein DhunDegi kal duniya purane ishtihaaron mein

ham ne sab ko muflis ke toḌ diyā dil kashkol

ham ko koī kyā de degā kyuuñ muñh-dekhī baat kareñ

hum ne sab ko muflis pa ke toD diya dil ka kashkol

hum ko koi kya de dega kyun munh-dekhi baat karen

jin ko dīvār-o-dar bhī Dhak na sake

is qadar be-libās haiñ kuchh log

jin ko diwar-o-dar bhi Dhak na sake

is qadar be-libas hain kuchh log

kahne vaalā ḳhud to sar takiye pe rakh kar so gayā

merī be-chārī kahānī raat bhar rotī rahī

kahne wala KHud to sar takiye pe rakh kar so gaya

meri be-chaari kahani raat bhar roti rahi

tamām umr kisī aur naam se mujh ko

pukārtā rahā ik ajnabī zabān meñ vo

tamam umr kisi aur nam se mujh ko

pukarta raha ek ajnabi zaban mein wo

merī tasvīr banāne ko jo haath uThtā hai

ik shikan aur mire māthe pe banā detā hai

meri taswir banane ko jo hath uThta hai

ek shikan aur mere mathe pe bana deta hai

vo ye kah kah ke jalātā thā hamesha mujh ko

aur DhūñDegā kahīñ mere alāva mujh ko

wo ye kah kah ke jalata tha hamesha mujh ko

aur DhunDega kahin mere alawa mujh ko

maiñ raushnī huuñ to merī pahuñch kahāñ tak hai

kabhī charāġh ke nīche bikhar ke dekhūñgī

main raushni hun to meri pahunch kahan tak hai

kabhi charagh ke niche bikhar ke dekhungi

hameñ jā.egī phāñsī hamāre apne jismoñ meñ

ujāḌī haiñ tamannāoñ lākhoñ bastiyāñ ham ne

hamein di jaegi phansi hamare apne jismon mein

ujaDi hain tamannaon ki lakhon bastiyan hum ne

maiñ apne jism meñ rahtī huuñ is takalluf se

ki jaise aur kisī dūsre ke ghar meñ huuñ

main apne jism mein rahti hun is takalluf se

ki jaise aur kisi dusre ke ghar mein hun

shahr ḳhvāboñ sulagtā rahā aur shahr ke log

be-ḳhabar so.e hue apne makānoñ meñ mile

shahr KHwabon ka sulagta raha aur shahr ke log

be-KHabar soe hue apne makanon mein mile

maiñ bhī sāhil tarah TuuT ke bah jaatī huuñ

jab sadā de ke bulātā hai samundar mujh ko

main bhi sahil ki tarah TuT ke bah jati hun

jab sada de ke bulata hai samundar mujh ko

maiñ kis zabān meñ us ko kahāñ talāsh karūñ

jo merī guuñj lafzoñ se tarjuma kar de

main kis zaban mein us ko kahan talash karun

jo meri gunj ka lafzon se tarjuma kar de

ham se ziyāda kaun samajhtā hai ġham gahrā.ī ko

ham ne ḳhvāboñ miTTī se paaTā hai is khaa.ī ko

hum se ziyaada kaun samajhta hai gham ki gahrai ko

hum ne KHwabon ki miTTi se paTa hai is khai ko

apnī hastī kuchh ehsās to ho jaa.e mujhe

aur nahīñ kuchh to koī maar Daale mujh ko

apni hasti ka kuchh ehsas to ho jae mujhe

aur nahin kuchh to koi mar hi Dale mujh ko

mere andar ek dastak kahīñ hotī rahī

zindagī oḌhe hue maiñ be-ḳhabar sotī rahī

mere andar ek dastak si kahin hoti rahi

zindagi oDhe hue main be-KHabar soti rahi

jaane kitne raaz khuleñ jis din chehroñ raakh dhule

lekin sādhū-santoñ ko dukh de kar paap kamā.e kaun

jaane kitne raaz khulen jis din chehron ki rakh dhule

lekin sadhu-santon ko dukh de kar pap kamae kaun

maiñ us dhuup huuñ jo merā āftāb nahīñ

ye baat ḳhud pe maiñ kis tarah āshkār karūñ

main us ki dhup hun jo mera aaftab nahin

ye baat KHud pe main kis tarah aashkar karun

us ne chāhā thā ki chhup jaa.e vo apne andar

us qismat ki kisī aur vo ghar niklā

us ne chaha tha ki chhup jae wo apne andar

us ki qismat ki kisi aur ka wo ghar nikla

ā.īna-ḳhāne meñ khīñche liye jaatā hai mujhe

kaun merī adālat meñ bulātā hai mujhe

aaina-KHane mein khinche liye jata hai mujhe

kaun meri hi adalat mein bulata hai mujhe

charāġhoñ ne hamāre saa.e lambe kar diye itne

savere tak kahīñ pahuñcheñge ab apne barābar ham

charaghon ne hamare sae lambe kar diye itne

sawere tak kahin pahunchenge ab apne barabar hum

mire andar DhañDorā pīTtā hai koī rah rah ke

jo apnī ḳhairiyat chāhe vo bastī se nikal jaa.e

mere andar DhanDora piTta hai koi rah rah ke

jo apni KHairiyat chahe wo basti se nikal jae

zard chehroñ kitābeñ bhī haiñ kitnī maqbūl

tarjume un ke jahāñ bhar zabānoñ meñ mile

zard chehron ki kitaben bhi hain kitni maqbul

tarjume un ke jahan bhar ki zabanon mein mile

mujhe kahāñ mire andar se vo nikālegā

parā.ī aag meñ koī na haath Dālegā

mujhe kahan mere andar se wo nikalega

parai aag mein koi na hath Dalega

tishnagī merī musallam hai magar jaane kyuuñ

log de dete haiñ TuuTe hue pyāle mujh ko

tishnagi meri musallam hai magar jaane kyun

log de dete hain TuTe hue pyale mujh ko

mujhe chakhte kho baiThā vo jannat apne ḳhvāboñ

bahut miltā huā thā zindagī se zā.iqa merā

mujhe chakhte hi kho baiTha wo jannat apne KHwabon ki

bahut milta hua tha zindagi se zaiqa mera

zamīn mom hotī hai mere qadmoñ meñ

mirā sharīk-e-safar āftāb hotā hai

zamin mom ki hoti hai mere qadmon mein

mera sharik-e-safar aaftab hota hai

dhuup merī saarī rañgīnī uḌā le jā.egī

shaam tak maiñ dāstāñ se vāqi.a ho jā.ūñgī

dhup meri sari rangini uDa le jaegi

sham tak main dastan se waqia ho jaungi

umr bhar rāste ghere rahe us shaḳhs ghar

umr bhar ḳhauf ke maare na vo bāhar niklā

umr bhar raste ghere rahe us shaKHs ka ghar

umr bhar KHauf ke mare na wo bahar nikla

ham haiñ ehsās ke sailāb-zada sāhil par

dekhiye ham ko kahāñ le ke kinārā jaa.e

hum hain ehsas ke sailab-zada sahil par

dekhiye hum ko kahan le ke kinara jae

ḳhvāb darvāzoñ se dāḳhil nahīñ hote lekin

ye samajh kar bhī vo darvāza khulā rakkhegā

KHwab darwazon se daKHil nahin hote lekin

ye samajh kar bhi wo darwaza khula rakkhega

ga.e mausam meñ maiñ ne kyuuñ na kaaTī fasl ḳhvāboñ

maiñ ab jaagī huuñ jab phal kho chuke haiñ zā.iqa apnā

gae mausam mein main ne kyun na kaTi fasl KHwabon ki

main ab jagi hun jab phal kho chuke hain zaiqa apna

is ghar ke chappe chappe par chhāp hai rahne vaale

mere jism meñ mujh se pahle shāyad koī rahtā thā

is ghar ke chappe chappe par chhap hai rahne wale ki

mere jism mein mujh se pahle shayad koi rahta tha

vaqt hākim hai kisī roz dilā degā

dil ke sailāb-zada shahr pe qabza mujh ko

waqt hakim hai kisi roz dila hi dega

dil ke sailab-zada shahr pe qabza mujh ko

zindagī bhar maiñ khulī chhat pe khaḌī bhīgā

sirf ik lamha barastā rahā sāvan ban ke

zindagi bhar main khuli chhat pe khaDi bhiga ki

sirf ek lamha barasta raha sawan ban ke

mire andar se yuuñ pheñkī kisī ne raushnī mujh par

ki pal bhar meñ mirī saarī haqīqat khul ga.ī mujh par

mere andar se yun phenki kisi ne raushni mujh par

ki pal bhar mein meri sari haqiqat khul gai mujh par

chaman pe bas na chalā varna ye chaman vaale

havā.eñ bechte nīlām rañg-o-bū karte

chaman pe bas na chala warna ye chaman wale

hawaen bechte nilam rang-o-bu karte

maiñ us ke sāmne uryāñ lagūñgī duniyā ko

vo mere jism ko merā libās kar degā

main us ke samne uryan lagungi duniya ko

wo mere jism ko mera libas kar dega

Recitation

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
Speak Now