aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER
noImage

Bimal Krishn Ashk

1924 - 1982 | Rohtak, India

Well-known poet, known for drawing upon day-to-day experiences of life

Well-known poet, known for drawing upon day-to-day experiences of life

Sher of Bimal Krishn Ashk

433
Favorite

SORT BY

ab ke basant aa.ī to āñkheñ ujaḌ ga.iiñ

sarsoñ ke khet meñ koī patta harā na thā

ab ke basant aai to aankhen ujaD gain

sarson ke khet mein koi patta hara na tha

dekhne niklā huuñ duniyā ko magar kyā dekhūñ

jis taraf aañkh uThā.ūñ vahī chehra dekhūñ

dekhne nikla hun duniya ko magar kya dekhun

jis taraf aankh uThaun wahi chehra dekhun

dā.era khīñch ke baiThā huuñ baḌī muddat se

ḳhud se niklūñ to kisī aur rasta dekhūñ

daera khinch ke baiTha hun baDi muddat se

KHud se niklun to kisi aur ka rasta dekhun

tum to kuchh aise bhuul ga.e ho jaise kabhī vāqif nahīñ the

aur jo yūñhī karnā thā sāhab kis liye itnā pyaar kiyā thā

tum to kuchh aise bhul gae ho jaise kabhi waqif hi nahin the

aur jo yunhi karna tha sahab kis liye itna pyar kiya tha

sabhī insāñ farishte ho ga.e haiñ

kisī dīvār meñ saaya nahīñ hai

sabhi insan farishte ho gae hain

kisi diwar mein saya nahin hai

ek duniyā ne tujhe dekhā hai lekin maiñ ne

jaise dekhā hai tujhe vaise na dekhā hotā

ek duniya ne tujhe dekha hai lekin main ne

jaise dekha hai tujhe waise na dekha hota

maiñ band kamre majbūriyoñ meñ leTā rahā

pukārtī phirī bāzār meñ havā mujh ko

main band kamre ki majburiyon mein leTa raha

pukarti phiri bazar mein hawa mujh ko

jism meñ ḳhvāhish na thī ehsās meñ kāñTā na thā

is tarah jaagā ki jaise rāt-bhar soyā na thā

jism mein KHwahish na thi ehsas mein kanTa na tha

is tarah jaga ki jaise raat-bhar soya na tha

ab yahī dukh hai hamīñ meñ thī kamī us meñ na thī

us ko chāhā thā magar apnī tarah chāhā na thā

ab yahi dukh hai hamin mein thi kami us mein na thi

us ko chaha tha magar apni tarah chaha na tha

aisā huā ki ghar se na niklā tamām din

jaise ki ḳhud se aaj koī kaam thā mujhe

aisa hua ki ghar se na nikla tamam din

jaise ki KHud se aaj koi kaam tha mujhe

use chhat par khaḌe dekhā thā maiñ ne

ki jis ke ghar darvāza nahīñ hai

use chhat par khaDe dekha tha main ne

ki jis ke ghar ka darwaza nahin hai

badan ke loch tak āzād hai vo

use tahzīb ne bāñdhā nahīñ hai

badan ke loch tak aazad hai wo

use tahzib ne bandha nahin hai

paḌne lage jo zor havas to kyā nigāh

har zāviye se jism nikaltā dikhā.e de

paDne lage jo zor hawas ka to kya nigah

har zawiye se jism nikalta dikhae de

badan Dhāñpe hue phirtā huuñ yaanī

havas ke naam par dhāgā nahīñ hai

badan Dhanpe hue phirta hun yani

hawas ke nam par dhaga nahin hai

Recitation

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
Speak Now